Təbriz, Urmiya, Ərdəbil və başqa şəhərlərdə xalqımızın şənlik mərasimləri keçirməsi Pezeşkianın ciddi şəkildə dəstəkləndiyi və onun timsalında azərbaycanlıların problemlərinin həllinə ümid etdiyi barədə iddialarımızı təsdiqləyir.
Bu sözləri BUTA.TV-a Cənubi Azərbaycan Milli Azadlıq Hərəkatının (CAMAH) rəhbəri Piruz Dilənçi deyib.
CAMAH rəhbəri Pezeşkianın prezident seçilməsinin bölgə üçün də müsbət dəyişikliklərə səbəb olacağını bildirib:
“İran dövlətinə qarşı 40 il mübarizədən sonra Pezeşkianı Azərbaycan türklərinin seçimi kimi təbrik etməli olmuşuq. Gördüyünüz kimi, turun nəticələrindən fərqli bir nəticə ilə Pezeşkianın prezident seçilməsinin şahidi olduq. Bölgəmizdə yaranmış təhlükəli vəziyyət bizi Orta Şərq, islam və Azərbaycan xatirinə, İran rejiminə legitimlik qazandırmaq bahasına onu dəstəkləməyə sövq etdi. Pezeşkianın seçilməsi ilə İranın Azərbaycan və Türkiyə ilə münasibətlərinin yaxşılaşacağına şübhə etmirik. Ancaq əsas məsələ azərbaycanlıların milli-mədəni problemlərinin həlli, konstitusiyanın 15-ci maddəsinin icrası və həbsdə olan günahsız milli fəalların azadlığa buraxılmasıdır. Bunları həyata keçirəcəyinə ümid edirik".
- Türkiyə Cümhuriyyətinin qurulmasından 102 il ötür
- Mehdiyevin 50 nəfərlik siyahısında kimlər olacaqdı? - Millət vəkili
- İmamoğlunun casusluq işində İsa Qəmbərin adı çıxdı
- Zəngəzur dəhlizi ilə bağlı sürpriz gəlişmə...
- Bakı ilə davamlı sülhün olması üçün... - Xandanyan
- Azərbaycanda iş adamına 200 min dollar dələduzluq edildi
- Adnan Əhmədzadə haqda sensasion faktlar üzə çıxdı
- Tramp Azərbaycandan danışdı: Buna son qoydum...