Türkiyə Türkiyə kimi oynamadı. Təmkinli olmaq, müdafiə olunmaq başlanğıc üçün yaxşı fikir idi. Hesab da rahat oynamağa imkan verirdi. Amma Niderland kimi rəqiblə sona qədər belə oynaya bilməzsən, bir yolunu tapıb qol vuracaqlar. Necə ki elə də oldu!
BUTA.TV xəbər verir ki, bu sözləri idman eksperti Kənan Məstəliyev Türkiyə millisinin Niderlanda 1/4 finalda 2-1 məğlub olmasını şərh edərkən qeyd edib.
“Türkiyə millisi müdafiə işinin öhdəsindən də gələ bilmədi. Xüsusilə ikinci qol türklərin arxa xəttinin necə fiasko günündə olduğunu aşkar göstərdi. Ən autsayder yığmalar belə bu cür səhvə yol vermirlər. Biabırçı qol idi”, - ekspert bildirib.
Məstəliyev qeyd edib ki, baş məşqçi Montella turnir boyu komandanın orta xəttinə bir əncam çəkə, nəsə fikirləşə bilmədi:
“Çalxanoğlu və Gülər kimi futbolçulara sahib olub, topun müdafiədən hücuma daşınması mexanizmini qura bilməmək böyük zəifçilikdir.
Ümumilikdə isə Türkiyənin nə meydanda, nə də ondan kənarda lideri, onu arxasınca aparacaq mühərriki var. Başında sərkərdə olmayanda isə türklər uğur qazana bilmirlər. Tarix boyu belə olub”.
- Azərbaycanlı şagirdlər Olimpiadada 5 medal qazandı
- Gəncədəki kütləvi zəhərlənmə ilə bağlı araşdırma başladı
- Forum iştirakçıları Qarabağ küçəsi ilə tanış oldular
- Nərimanovda çoxmərtəbəli binanın zirzəmisində yanğın - Sakinlər təxliyə olundu
- Bu fotoları hər kəs ən az bir dəfə görüb
- Ötən gün çimərlikdə boğulan Rəşadın - Fotosu
- Suraxanı bazarından son görüntülər - Video
- Azərbaycanda maşın yağı bahalaşdı