Ukraynalıların təxminən 44%-i Rusiya ilə sülh danışıqlarına hazırdır, 35%-i isə əleyhinədir.

BUTA.TV xəbər verir ki, bu, Zn.ua nəşrinin sifarişi ilə Razumkov Mərkəzinin iyunun sonunda Ukraynada keçirdiyi sorğudan sonra ortaya çıxan nəticədir.

Nəticələr regionlar üzrə dəyişir. Məsələn, Ukraynanın mərkəzində 49%, qərbində 35%, cənubunda isə 60% respondent danışıqlar tərəfdarıdır.

Buna baxmayaraq, ukraynalılar Rusiya lideri Putinin irəli sürdüyü şərtləri qəbul etmir. Rəyi soruşulanların 83%-i Rusiyanın tələb etdiyi 4 regionu (Donetsk, Luqansk, Xerson, Zaporojye) verməyin mümkünsüz olduğunu bildirib.

Ukraynalıların yarısı (51%) 1991-ci il sərhədləri daxilində Ukraynanın rus qoşunlarından azad edilməsində israrlıdır, 26%-i 2022-ci ilin əvvəlində demarkasiya xəttində müharibəni dayandırmağa razıdır, yalnız 9%-i hazırkı sərhədi tanımağa meyillidir.

Respondentlərin 66%-i hesab edir ki, Rusiya döyüş meydanında məğlub ola bilər, 82%-in fikrincə, Qərb Ukraynanı kifayət qədər silahla təmin edərsə, qələbə mümkündür.

Maraqlıdır ki, ukraynalıların 46%-i hərbi xidmətdən yayınmaqda utancverici heç nə olmadığını deyib, yalnız 29% bunun ayıb olduğunu bildirib.

• Rəsul Quliyevin gəncliyi: anası və xanımı ilə birgə - Fotosu
• Deputatlara biznes qadağandır, amma bu deputatın adı təkcə 2025-ci ildə 103 milyon manatla hallanır…
• Xəzər Boru Kəməri Konsorsiumunun infrastrukturu zədələndi
• Prokurorluğa qəbulla bağlı imtahan nəticələri açıqlandı
• Delimitasiya ilə bağlı mühüm razılaşma...
• Ölkədə bu qurum bağlanır? - Rəsmi cavab
• Ramiz Mehdiyev bu vəzifədən də çıxarıldı - Sərəncam
• Dənizdə külək enerjisi layihəsinə dair müqavilə imzalandı