“Mülki Müqavilə” dövlət protokolunun əsas tələblərinə məhəl qoymamaqda davam edir ki, bu da öz növbəsində Ermənistanın xarici reytinqinə son dərəcə mənfi təsir göstərir.

BUTA.TV xəbər verir ki, bu barədə Ermənistanın “Joxovurd” qəzeti yazıb.

Bildirilib ki, bu ilin avqustunda Ermənistanın Rusiya Federasiyasındakı səfiri təyin edilmiş Dövlət Dumasının keçmiş deputatı Qurgen Arsenyan sentyabrın 11-də etimadnaməsinin surətini Rusiya xarici işlər nazirinin müavini Mixail Qaluzinə təqdim edib. Bu, rəsmi olaraq səlahiyyətlərin qəbul edilməsinə işarədir:

“Dövlət protokoluna əsasən, səfir vəzifəsinin icrasına başlayan məmur adətən etimadnaməsinin surətini ilk olaraq vəzifələrini icra edəcəyi dövlət başçısına verir. Lakin Arsenyan Putin tərəfindən qəbul edilməyib”.

Nəşr etimadnamənin surətinin dövlət başçısından öncə XİN rəhbərinin müavini Mixail Qaluzinə təqdim edilməsini “Ermənistan tarixində görünməmiş hadisə”, rüsvayçılıq adlandırıb.

Qeyd edək ki, Ermənistan rəsmi mənbələri Arsenyanın etimadnaməsini qarşıdakı günlərdə Putinə təqdim edəcəyini bildirib.

• Təyyarəmiz generalın əmri ilə vurulub - Yeni sensasion məlumat
• Mixail Qusman işdən çıxarıldı
• Prezidentin nümayəndəsi "Araz-Naxçıvan"ı təbrik etdi
• AZAL reysinə zərbə endirən Paladiçukun şərhləri yayıldı - Video
• Hakan Fidan Azərbaycan stendini ziyarət etdi - Foto
• Azərbaycan XİN də Rusiyaya başsağlığı verdi
• İlham Əliyev Putinə başsağlığı verdi
• Azərbaycan bu şəxsi Özbəkistana ekstradisiya etdi