Zəngəzur dəhlizi məsələsi İranla Rusiyanı qarşı-qarşıya qoyub.
BUTA.TV Report-a istinadla xəbər verir ki, bu barədə Türkiyə KİV-i yazıb.
Bildirilib ki, İran Zəngəzur dəhlizinin açılmasına qarşıdır:
“Rəsmi Tehran düşünür ki, Zəngəzur dəhlizinin açılması ilə Türkiyə və Azərbaycanın regiondakı nüfuzu daha da güclənəcək. İran bunu təhdid kimi qəbul edir. İran bunun regionda, xüsusilə Cənubi Azərbaycanda milli kimlik hissini artıracağından narahatdır. Başqa bir məsələ isə İranın regional mənada geosiyasi nüfuzunun azalması ilə bağlıdır. Həmçinin Türkiyə ilə Mərkəzi Asiyadakı türk dövlətləri arasındakı əlaqədə İran faktoru indiki kimi təsirli olmayacaq. Növbəti məqam İranın Ermənistanla sərhəddəki nəzarət imkanlarının məhdudlaşmasıdır”.
Qeyd olunub ki, bütün bunlar İranın Zəngəzur dəhlizi ilə bağlı mövqeyinə təsir edir: “İran Ermənistanla diplomatik əlaqələrinin güclənməsinə töhfə verəcək addımlar atır. Buna misal olaraq İranın Ermənistanın Qafan rayonunda konsulluq açmasını və Ermənistanın Təbrizdə konsulluq açmasını planlaşdırmasını göstərmək olar”.
Həmçinin qeyd olunub ki, Rusiya Zəngəzur dəhlizinin açılmasında maraqlıdır: “Kremlin prioriteti Ermənistanla Qərbin əlaqələrini nəzarət altına almaqdır. İrəvanın son vaxtlar Fransa başda olmaqla Avropa ilə qurduğu hərbi əlaqələr bu dövlətin Rusiyanın təsirindən çıxdığını göstərir”.
İddia olunur ki, baş verənlər İran-Rusiya münasibətlərinə təsir edə bilər.
- Azərbaycanda qanunsuz yaşayan 5 minə yaxın əcnəbi saxlanıldı
- Mərdəkanda dənizdə batan 16 yaşlı oğlanın meyiti tapıldı
- Bu ərazilərdə işıq olmayacaq
- Dərnəgül yolunda dəhşətli qəza - Sürücü öldü - Video
- Tramp bu barədə əmri Ankarada olarkən verib
- Qurbanqulu Berdiməhəmmədov Azərbaycana təşəkkür etdi
- Dənizdə batan 28 yaşlı oğlanın meyiti tapıldı
- Suqovuşanda işçiləri daşıyan mikroavtobus aşdı