Sumqayıtda işlədiyi istirahət mərkəzini qumarxanaya çevirən ofisianta cinayət işi açılıb.

BUTA.TV Lent.az-a istinadən xəbər verir ki, söhbət Sumqayıt-Novxanı yolunda yerləşən restoranlardan birindən gedir.

Burada ofisiant işləyən, Sumqayıt şəhər sakini İ.Məmmədov qumar oyunlarının təşkilində ittiham olunub. Belə ki, o, müştərilərin mərc oyunları oynaması üçün qapıda gözətçi rolunda dayanaraq, onlara şərait yaradıb. Bunun üçün isə İ.Məmmədov müştərilərdən müəyyən məbləğdə pul vəsaiti alıb.

Bu hadisələr dəfələrlə təkrarlanıb. Onun qumar oynayanlara sonuncu "gözətçiliyi" 2023-cü il sentyabrın 21-də olub. Həmin gün gecə saat 1 radələrində polis əməkdaşları daxil olmuş məlumat əsasında restoranda əməliyyat keçiriblər. Nəticədə İ.Məmmədov və qumar oynayanlar saxlanılaraq, şöbəyə aparılıb.

İ.Məmmədov Cinayət Məcəlləsinin 244-1.2.1-ci (qumar oyunlarının keçirilməsi və təşkili, təkrar törədildikdə) maddəsi ilə ittiham olunub. Onun barəsində başqa yerə getməmək haqqında iltizam tədbiri seçilib.

Hazırda cinayət işi hakim Samir İsmayılovun icraatında araşdırılır.

• Əliyev Moskvaya getməkdən imtina etdi və sübut etdi ki…
• Fransadan diplomatik hörmətsizlik: səfrimiz dəvət almadı
• Fitso da Azərbaycan üzərindən Moskvaya uçacaq?
• Ermənistanla sərhəddəki pozuntularla bağlı məlumat
• Sahibə Qafarova BƏƏ prezidenti ilə görüşdü
• İlham Əliyevin adından Lamın şərəfinə ziyafət verildi
• Bakı ilə imzalanan bəyanatın icrası üçün 5 təklif... - Lam
• İlham Əliyevin Moskvaya səfərinin ləğvinin səbəbi bəlli oldu