ABŞ Ermənistanın özünün seçdiyi münasibətləri davam etdirməklə bağlı suveren hüququna hörmət edir.

BUTA.TV xəbər verir ki, bu barədə ABŞ Dövlət Departamentindən Azərtac-ın regionda Ermənistanın hərbiləşdirilməsi siyasətinin, keçmiş ATƏT-in Minsk qrupu ölkələrinin Ermənistanı dəstəkləməyə davam etməsinin və ABŞ və Avropa İttifaqının artan hərbi dəstəyinin Azərbaycanla Ermənistan arasında davam edən sülh sazişi danışıqlarına təsiri, o cümlədən Ermənistanla Rusiya arasında artan ticarət və hərbi əlaqələrin daha geniş regionda stabilliyə təhdid təşkil etməsi ilə bağlı sorğusuna cavabında deyilib.

ABŞ-ın Ermənistana yardımlarını artırmasına gəldikdə bildirilib ki, ABŞ-ın bu ölkəyə yardımı onun demokratik və iqtisadi inkişafını artırmaq, regional iqtisadiyyata inteqrasiyanı gücləndirmək, ticarəti şaxələndirmək və mənfi təsirlər qarşısında dayanıqlılığını gücləndirməyə xidmət edir.

Qeyd olunub ki, Birləşmiş Ştatlar Azərbaycan və Ermənistanın daha böyük regional təhlükəsizlik və tərəqqi təmin edəcəyinə inandığımız davamlı və layiqli sülh sazişinə nail olmaq səylərini dəstəkləyir:

“Tərəflər razılaşmanın yekunlaşdırılması istiqamətində əhəmiyyətli irəliləyiş əldə ediblər və ABŞ bu prosesi istənilən şəkildə dəstəkləməyə sadiqdir”.

• Türkiyədə qərar: Azərbaycanlılar hansı üstünlüklər qazandı?
• Ramiz Mehdiyev həbs edildi - Təcili
• Həbs edilən Ramiz Mehdiyevin milyardları üzə çıxır - Siyahı
• Azərbaycan-İran sərhədi ilə bağlı yenilik
• Ramiz Mehdiyev niyə indi həbs edildi? - İsti şərh
• Bu körpünün tikintisi bitsə, bu tıxaclar aradan qalxacaq
• Tramp Əliyev haqda: Onunla düşmən olmaq istəməzsiniz - Video
• Bakı önündə bu öhdəliyi götürməmişik - Mirzoyan