İran Prezident Əsədin hakimiyyətini saxlamasını artıq mümkün saymadığı üçün Suriyadan öz komandirlərini və hərbi personalını çıxarmağa başlayıb.

BUTA.TV xəbər verir ki, bu barədə ötən gün sosial şəbəkələrdə yayılan məlumatı anonim mənbələrə istinadla “Nyu York Tayms” təsdiqləyib.

Erməni türkoloq Varujan Geqamyan bildirib ki, dünən İraqda İran, İraq və Suriyanın nümayəndələri türkiyəyönlü qüvvələrə müqavimət imkanlarını müzakirə etmək üçün bir araya gəlib:

“Bəzi mənbələr İraqın Suriyaya hərbi yardım göstərməkdən imtina etdiyini bildirir (Qeyd edək ki, İran Suriyadakı proseslərə hər hansı hərbi müdaxilə etməyəcəyi barədə rəsmi açıqlama yayıb – red.). Əgər bütün bunlar doğrudursa, bir neçə gündən sonra Suriya adlanan dövlət əslində xəritədə mövcudluğunu dayandıracaq.

Və bütün bunlardan əsas faydalanan tərəf isə faktiki olaraq ən azı ölkənin zəngin şimalına nəzarəti ələ keçirəcək Türkiyədir. Bu barədə dünən Türkiyə Prezidenti Ərdoğan da danışıb.

Türkiyə siyasətinin bölgədə ardıcıllığı və inadkarlığı heç kimdə yoxdur. Bunu bir daha etiraf etmək lazımdır”.

• Rusiya niyə Polşadan sonra bu gün Rumıniyaya hücum etdi?
• Səfirimizin katibəsindən qeyri-qanuni uşağı var? - Foto
• Kelloq Umerovla görüşdü
• ABŞ və Ermənistan Zəngəzur dəhlizini müzakirə etdi
• Netanyahu açıq şəkildə elan etdi, işğal edəcək: Bəs, necə?
• Kirk simvola çevriləcək, qarşıdurma artacaq
• Bakı ilə İrəvan arasında müqavilə bitən kimi... - Fidan
• Fələstinə dəstək bəyannaməsi - Bakı da lehinə səs verdi