NATO ölkələrində yerləşən xarici agentlərin təqdimatı ilə internetdə Rusiya Xarici İşlər Nazirliyinin Mərkəzi Aparatının yüksək vəzifəli əməkdaşlarının guya 2024-cü il dekabrın 25-də Aktau şəhərində baş vermiş aviasiya qəzası ilə bağlı Azərbaycan və Qazaxıstan Xarici İşlər Nazirliklərinin nümayəndələri ilə versiyalar hazırlamaq barədə danışıqlar apardığını iddia edən yalan məlumat yayılır.

BUTA.TV xəbər verir ki, bunu Rusiya XİN-in sözçüsü Mariya Zaxarova açıqlayıb.

Qeyd olunub ki, bu məsələ ilə bağlı adıçəkilən ölkələrin xarici siyasət idarələri ilə heç bir danışıqlar aparılmayıb.

“Aviasiya qəzasının səbəblərinin araşdırılması müvafiq qurumlar tərəfindən həyata keçirilir. Aydındır ki, bu cür qərəzli dezinformasiyanın arxasında siyasi sifariş dayanır. İnsan faciəsi üzərindən piar cəhdlərini ləyaqətsiz və qəbuledilməz hesab edirik”, - o qeyd edib.

• AZAL media nümayəndələri üçün intellektual yarış təşkil edib
• Yük aparan maşında 53 kq narkotik tapıldı
• Bakcell “Asan Könüllüləri”nin 2-ci yay festivalının tərəfdaşı olub
• Arzum bu şərtlərlə azadlığa çıxdı - Sosial şəbəkə qadağan edildi
• "Arzum" ləqəbli bloqer ev dustaqlığına buraxıldı
• Sabah hava necə olacaq?
• Qanunsuz çıxarılan 57 nəfər əvvəlki işlərinə bərpa etdirildi
• "AzerGold"un KSM Komitəsi Daşkəsən sakinləri ilə görüş keçirdi