Ramzan Kadırov AZAL-ın qəzaya uğrayan təyyarəsinin sağ qalan əməkdaşları Zülfiqar Əsədov və Aydan Rəhimlini “Çeçenistan Respublikası qarşısında xidmətlərinə görə” medalı ilə təltif etməyə qərar verib.
Maraqlıdır, bələdçilər həmin medalı qəbul edəcəklərmi? BUTA.TV xəbər verir ki, Teleqraf-ın əməkdaşı bu sualla bələdçi Zülfiqar Əsədova müraciət edib.
Onun cavabını təqdim edirik:
"Biz uçduğumuz məkana sağ-salamat çatmalı və eniş etməli idik. Şokdayam, hələ də yaşadığımız o hadisədən nəticə çıxara bilmirəm. Niyə belə elədilər?! Bəli, bu haqda məlumatlıyam, Ramzan Kadırov tərəfindən mükafata layiq görülmüşük. Amma mən “Çeçenistan Respublikası qarşısında xidmətlərinə görə” medalını qəbul etməyəcəm.
"Nalayiq ifadələr işlədib, xəritələri masadan atıb və onu hədələyib" - Tramp Zelenski ilə görüşdə "dəli" olub
Səbəbi isə odur ki, onların səhvlərinin ucbatından günahsız 38 sərnişin həlak oldu. Mənə çox kədərlidir və mükafatı qətiyyən qəbul etmək istəmirəm və istəmərəm də. Bizə bu mükafat lazım da deyil. Cənab Prezident İlham Əliyev sağ olsun, bizi yüksək dəyərləndirib və lazımınca qiymət verib. Dövlət başçımız bizi 1-ci dərəcəli “Rəşadət” ordeni ilə təltif edib. Amma yenə də deyirəm ki, heç vaxt Ramzan Kadırov tərəfindən təqdim edilən “Çeçenistan Respublikası qarşısında xidmətlərinə görə” medalını qəbul etməyəcəm. Bizi uçduğumuz yerdə vurdular. Günlərlə düşünürəm ki, niyə belə etdilər?! İnsanların nə günahı var idi ki, onlar belə dəhşətli qəza nəticəsində vəfat etdilər. Bizim mülki təyyarəmizə atılan zərbəyə görə kədərlənirəm. Hələ də bu hadisənin təsirindəyəm".
- Həsən Həsənov Ramiz Mehdiyevlə bağlı sirləri açdı
- Qafarova və Simonyan nələri müzakirə etdi?
- Mehdiyevin həbsi ilə bağlı diqqətçəkən məqam...
- Bakının orta güc strategiyası: Əliyevin Astana səfərinin hədəfləri...
- Astanada Heydər Əliyevin ən sevdiyi mahnı səsləndirildi - Video
- İlham Əliyevin qərarını alqışlayırıq - İrəvan
- Tokayevdən Əliyevə maraqlı hədiyyə - Video
- İlham Əliyevdən TRİPP layihəsi ilə bağlı açıqlama