Tavuşda delimitasiya və demarkasiya prosesinə hazırlıq çoxdan başlayıb və indi də davam edir.
BUTA.TV Globalinfo.az-a istinadla xəbər verir ki, bunu Tavuşun Açarkut kənd icmasının keçmiş üzvü Karen Qazaryan deyib.
Onun sözlərinə görə, hazırda erməni qoşunları əvvəlki mövqelərində qalıblar:
“Amma Voskepar-Bağanis yolu boyunca tikanlı məftillər qurulur. Yəni buna əsasən ordumuz hazırda olduqları mövqelərindən 5-6 yüz metr geri çəkilməlidir. Ərazidə anklav adlanan Yuxarı Əskipara kəndi təhvil verilməlidir. Həmçinin aşağı hissədə İcəvan, Sofulu və Bərxudarlı kəndləri də var ki, oralarda hazırlıq prosesi hələ başlamayıb. Hazırlıq yekunlaşdıqdan sonra bölgəni minalardan təmizləməyə başlayacaqlar. Bir sözlə, Azərbaycan Tavuşda istədiyini bir güllə belə atmadan rahatlıqla alacaq. Mən hələ yanvar ayında məlumat almışdım ki, aprelin 15-dən sonra demarkasiya prosesi başlayacaq”.
Qeyd edək ki, Azərbaycan və Ermənistan arasında demarkasiya prosesi 2024-cü ilin aprel ayından başlayıb. Aprelin 23-də Tavuşda ilk sərhəd dirəyi quraşdırılıb. 2025-ci il yanvarın 16-da isə demarkasiya və delimitasiya komissiyaları prosesinin Gürcüstan sərhədindən İrana qədər iki ölkə arasında prosesinin davam etdirilməsi barədə razılığa gəliblər.
- Azərbaycan Zəngəzur vasitəsilə silah daşıyacaq? - Paşinyan
- Trampın Almaniya ilə Ermənistanı səhv salması...
- Qarabağla bağlı təxribatçı düzəliş qəbul olundu - Foto
- İrəvanda təşviş: bu sahələr Azərbaycanın nəzarətinə keçəcək
- Bakıdan Kiyevə daha bir jest: Bu kvotalar artırıldı
- Ağır dərs, robota çevrilən şagirdlər – Nazirlik qərar verdi
- Almaniya vətəndaşlarını çıxarır: İrana hücum olacaq!
- Azərbaycanlı Almaniyada yüksək vəzifəyə təyin olundu