Şərqdə və müsəlman aləmində ilk demokratik dövlət quruluşunu yaratmış Azərbaycan Xalq Cümhuriyyəti istiqlaliyyətimizi elan edərək, xalqımızın müstəqillik əzmini nümayiş etdirib.1918-ci il mayın 28-də Azərbaycan xalqı özünün və Şərqin ilk demokratik, hüquqi, dünyəvi parlament respublikasını yaradıb.
BUTA.TV xəbər verir ki, bu sözləri Milli Məclisin deputatı Samir Vəliyev deyib.
Deputat bildirib ki, 1918-ci il mayın 28-də Azərbaycan Xalq Cümhuriyyətinin Milli Şurası İstiqlal Bəyannaməsini imzalamaqla Azərbaycanın müstəqilliyini dünyaya bəyan edib, xalqımızın çoxəsrlik dövlətçilik ənənələrini davam etdirib:
"Müstəqil, azad, demokratik respublika qurmaq məqsədini qarşıya qoyan Azərbaycan Xalq Cümhuriyyəti öz müqəddəratını təyin etməyə qadir olduğunu nümayiş etdirdi".
Millət vəkilinin sözlərinə görə, cəmi 23 ay mövcud olmuş Azərbaycan Xalq Cümhuriyyəti müsəlman Şərqində demokratiya ənənələrinin formalaşmasına əhəmiyyətli təsir göstərib:
"Qısa dövr ərzində Azərbaycanın ilk parlamenti, hökuməti yaradılıb, dövlət atributları təsis olunub, dövlət quruculuğu sahəsində mühüm tədbirlər həyata keçirilib, Cümhuriyyətin beynəlxalq münasibətlər sistemində tanınması, diplomatik müstəvidə milli maraqların qorunması istiqamətində mühüm addımlar atılıb. Yeni fəaliyyətə başlamış parlamentin qəbul etdiyi qanunlar milli müstəqilliyin möhkəmləndirilməsində, ölkədə siyasi, iqtisadi və mədəni inkişafın təmin olunmasında, habelə demokratik prinsiplərin təsbit edilməsində əsaslı rol oynayıb.
Azərbaycan vətəndaşlığı institutunun təsis edilməsi, milli ordunun yaradılması kimi faktlar dövlətçilik ənənələrinin güclənməsində önəmli rol oynayıb. Mövcudluğunun ilk günlərindən xalq hakimiyyəti və insanların bərabərliyi prinsiplərinə əsaslanan Azərbaycan Xalq Cümhuriyyəti bütün ölkə vətəndaşlarına eyni hüquqlar verərək irqi, milli, dini, sinfi bərabərsizliyi ortadan qaldırdı. Ən əsası Cümhuriyyətin fəaliyyətində demokratik dəyərlər üstünlük təşkil edib. Bütün bu amillər cümhuriyyətin varisi olan müasir müstəqil Azərbaycan dövləti üçün bu gün də aktuallıq kəsb edir"
- Ərdoğan Zəngəzur açıqlamasına Tehrandan "dolayı" cavab
- Tramp ən yaxın adamını Bakıya göndərdi - 3 hədəf…
- Belousovun Zəngəzur xəbərdarlığı: Kreml nəyə hazırlaşır?
- Azərbaycanda Ermənistan malları satılacaq - Simonyan
- Ərdoğanla Şahbaz Şərifin bu tədbirdə iştirakı... - Deputat
- Ərdoğandan Zəngəzur açıqlaması: İstərdik ki, İran…
- Xankəndidə saxta erməni tarixini təbliğ edən mağara - Video+Foto
- İlham Əliyev Trampın məktubundan danışdı