Masallıda əmək hüquqlarını pozan şirkət cərimələnib.
Bu barədə BUTA.TV-a Masallı rayon prokurorluğundan məlumat verilib.
Bildirilib ki, "R+C-TRANS" MMC tərəfindən işçinin əmək hüquqlarının pozulması faktı ilə bağlı Masallı rayon prokurorluğunda araşdırma aparılıb.
Araşdırma zamanı qeyd olunan hüquqi şəxs tərəfindən əmək qanunvericiliyində nəzərdə tutulmuş qaydada əmək müqaviləsi hüquqi qüvvəyə minmədən (bağlanmadan) şəxsin Masallı rayonu ərazisində müvafiq işlərin yerinə yetirilməsinə cəlb edilməsi müəyyən edilib.
Faktla bağlı Masallı rayon prokurorluğunda Azərbaycan Respublikası İnzibati Xətalar Məcəlləsinin 192.1-ci (əmək müqaviləsi (konktraktı) hüquqi qüvvəyə minmədən işəgötürən tərəfindən fiziki şəxslərin hər hansı işlərin (xidmətlərin) yerinə yetirilməsinə cəlb edilməsi) maddəsi ilə inzibati xəta haqqında iş üzrə icraat başlanaraq baxılması üçün aidiyyəti üzrə hüquqi şəxsin ünvanına, Sumqayıt Şəhər Məhkəməsinə göndərilib və məhkəmənin qərarı ilə hüquqi şəxs 20 min manat məbləğində inzibati cərimə edilib.
Eyni zamanda Cəmiyyətin direktoru Məmmədov Rzaxan Şiraslan oğlu barəsində həmin Məcəllənin eyni maddəsilə inzibati xəta haqqında iş üzrə icraat başlanaraq baxılması üçün aidiyyəti üzrə Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətinin Lənkəran-Astara Regional şöbəsinə göndərilmiş və vəzifəli şəxs müvafiq qərarla 3 min manat məbləğində cərimə edilib.
- Paşinyan Türkiyəyə gedir
- Rusiyada hər şey çökür, yalnız bu biznes sürətlə inkişaf edir
- Rəsmi Bakıdan Hindistana başsağlığı verdi
- Aprel döyüşləri zamanı 18 mövqe itirdik - Mnatsakanyan
- Bu ərazilər Azərbaycana qaytarılır: ermənilər xəritə yaydı - Foto
- Paşinyan: Məni “Azərbaycan izi” ilə şantaj edirlər
- Berse: Azərbaycana dostcasına təzyiq göstərəcəyik
- 15 İyun Milli Qurtuluş Günü müasir tariximizin şanlı səhifəsidir