Əslində İrana zərbələr Yaxın Şərqdəki maraqlarından imtina etməyə razı olmayan Çinə müəyyən bir mesajdır.

Bu sözləri BUTA.TV-a açıqlamasında rusiyalı ekspert Vitali Arkov deyib.

“Məgər buna görə çinli yoldaşlarımız uzun illər İranın indiki mürəkkəb hakim elitası ilə qarşılıqlı anlaşma axtarmaq və tapmaq üçün vaxt sərf edib?! Bu, Qərbin kuklasına çevrilmək üçün az qala fürsət axtaran keçmiş Şah Məhəmməd Rza Pəhləvi deyil”, - o bildirib.

Arkovun sözlərinə görə, hazırda mediada Çinin niyə susması və İranın müdafiəsinə qalxmaması ilə bağlı geniş müzakirələr gedir:

“Deyirlər ki, yalnız Pakistan açıq şəkildə dəstəyini ifadə edib. Əslində, İslamabadın bəyanatlarına Pekinin reaksiyası kimi baxmaq lazımdır. Bir çox sahələrdə, o cümlədən hərbi sahədə onların sıx qarşılıqlı əlaqəsini bilirik. Yəni Pakistan Çinin təkcə Hindistana qarşı istifadə etdiyi “dəyənəyi” deyil. Bu, eyni zamanda, Netanyahu və Trampın döyüş istəyini soyutmaq üçün bir vasitədir. Üstəlik, hazırda çoxlarını təəccübləndirən “Xeybər” və “Fəttah” ballistik raketlər ailəsi İran hərbi-sənaye kompleksi dizaynerləri tərəfindən xarici tərəfdaşlarla birgə işlənib hazırlanıb. Onların istehsalında Çin və ya Rusiya “əlinin” olması məsələsini isə yalnız təxmin edə bilərik”.

• Bakıda yeni tikilən binada dayaq sütunu uçdu - VİDEO
• Ermənilər də Yutubdan pul qazana biləcək
• Pol Qobl: Azərbaycan regionda dominant oyunçuya çevriləcək!
• ABŞ Azərbaycana qayıqlar tədarük edəcək - Vens
• Vardanyan məhkəmədə son çıxışını etdi
• Daha bir marşrut üzrə avtobuslar yeniləndi
• İlham Əliyevin ABŞ-nin vitse-prezidenti ilə məhdud tərkibdə görüşü başlayıb
• "Bank Avrasiya" ən çox şikayət edilən bank oldu