Ümid edirəm ki, atəşkəs uzunmüddətli olacaq. Amma istənilən halda, uzunmüddətli olsa belə, bu, hər iki tərəf üçün regiondakı problemi öz münasibətlərində son həllinə hazırlıqdır.

Bu sözləri BUTA.TV-a rusiyalı politoloq Yevgeni Mixaylov İsraillə İran arasındakı atəşkəsi şərh edərkən deyib.

“Bu hazırlığın necə olacağı hələ bəlli deyil. Rusiya, Çin və Pakistanın İranın tərəfində olması tamamilə açıqdır. Bunlar üç nüvə gücüdür. Rusiya İrana strateji tərəfdaşlıq sazişi çərçivəsində milli təhlükəsizliyini gücləndirməyə kömək edəcək. Bundan sonra hər şey ola bilər, amma bu vəziyyətdə ümid edirəm ki, ya İsraildə, ya da İranda hakimiyyət dəyişikliyi olacaq və ölkələr uzun illər döyüş barədə neytral mövqeyə gələcək. Heç kim Yaxın Şərqdə böyük müharibənin baş verməsində maraqlı deyil, ən azı indi. Beləliklə, atəşkəsin nə qədər davamlı olacağını zaman göstərəcək”, - o bildirib.

Mixaylovun sözlərinə görə, İran kifayət qədər çox şey itirdi, lakin müəyyən zərbələrlə cavab verib simasını xilas etdi, bu da çox şey deyir:

“Əvvəla, “İranın sonu yaxınlaşır” deyə qışqıranların hamısı yanıldı. İsrailin indi zirvəyə qalxacağını qışqıranların da hamısı yanılırdı. İndi bir növ sabit vəziyyət yaranıb, İranın buna cavab verəcəyinə dair anlayış var. Son zamanlar elan etmədən daim xaincəsinə hücum edən İsraildir. İran bunu nəzərə almalı və nəsə olarsa, İsrailin regionda maraqları ilə bağlı heç bir addım atmamalıdır. İndi İranın özündə dərin təmizləmə, MOSSAD casuslarının ifşası olacaq. Hamısı həbs olunacaq və asılacaq. Dövlətin özü isə öz milli təhlükəsizliyini daha da gücləndirmək üçün fəaliyyətini yenidən quracaq”.

• Bakı bu təşkilatda ən dominant oyunçulardandır - Avraham
• İran çox şey itirdi, amma simasını... - Mixaylov
• Rusiya səfirliyinin əməkdaşları ölkəmizə təxliyə olundu
• İsrail-İran savaşı: Ərəblər bir daha əmin oldular ki...
• İran da, İsrail də “qazandığını” deyir: Bəs, uduzan kim?
• Trampın siyasətdə acizliyi üzə çıxdı - Mixaylov
• İran 44 günlük savaşdakı taktikadan istifadə etdi
• Prezident Çen Qianqı qəbul etdi