İyulun 6-7-də Braziliyanın Rio-de-Janeyro şəhərində keçiriləcək BRİKS-in zirvə toplantısında Rusiya və Çin liderlərinin iştirak etməyəcəklərinə dair xəbərlər yayılıb. Rusiya Prezidenti Vladimir Putinin bu tədbirdə iştirak etməməsinin bəlli səbəbi var. Beynəlxalq Cinayət Məhkəməsinin Vladimir Putinin həbsinə dair qərarı qüvvədədir. Putin bu səbəbdən hətta tərəfdaş hesab etdiyi ölkələrə səfərlərdən çəkinir.

BUTA.TV xəbər verir ki, bu sözləri politoloq Elxan Şahinoğlu qeyd edib.

O bildirib ki, Rusiyanı toplantıda xarici işlər naziri Sergey Lavrov təmsil edəcək, Putin videkonfrans vasitəsilə toplantının işinə qatılacaq:

“Çin lideri Si Szinpinin Braziliyaya səfərdən imtina etməsi isə müəmmalıdır. Braziliya Prezidenti Lula da Silva qısa zaman kəsiyində Çin lideri ilə iki dəfə görüşüb və həmkarının Braziliyaya səfərinə ümidli idi. Pekin səfərin təxirə salınmasını Si Szinpinin qrafikinin yoğun olmasıyla izah edib. Qrafik nə qədər yoğun olsa da, çoxqütblü dünyanın formalaşmasında Moskva və Pekinin BRİKS-ə xüsusi əhəmiyyət verdikləri halda iki əsas dövlətin liderinin toplantıda iştirak etməməsi təşkilatın imicinə mənfi təsir edəcək. Misal üçün NATO-ya üzv ölkələrin tamamının liderləri Şimali Atlantika Blokunun son zirvə toplantısında iştirak edərək, qlobal mövzularda bəyanatlar verdilər, mətbuat konfransı keçirdilər”.

• Azərbaycandan Britaniya deputatlarına etiraz...
• Onlarla bağlı təşkilatlara dəfələrlə müraciətlər edilsə də...
• Putin və Szinpin bu səfərdən imtina etdilər – Müəmma
• Təhqir, qeybət, xəyanət... – Gündəmdə qalmaq üçün hər şeyə razıdırlar
• Ordumuz regional sülhün və təhlükəsizliyin əsas qarantıdır
• Azərbaycan Ordusunun yaradılmasından 107 il ötür
• Azərbaycanda saxta alkoqollu içkilər aşkarlandı
• “Bir tüstü vurdum, həyatım dəyişdi” – 20 yaşlı narkoman qızın DƏHŞƏTLİ etirafları