Naxçıvan Muxtar Respublikasının daxili işlər naziri, polis polkovniki Süleyman Nemətov qəbula gələn vətəndaşların problemlərinin həlli üçün baş idarə, idarə və şöbə rəislərinə müvafiq tapşırıqlar verib.
Bu barədə BUTA.TV-a DİN-in mətbuat xidmətindən məlumat verilib.
Bildirilib ki, Naxçıvan Muxtar Respublikasının Daxili İşlər Nazirliyinə qəbul üçün müraciət edən vətəndaşlar muxtar respublikanın daxili işlər naziri, polis polkovniki Süleyman Nemətov tərəfindən qəbul edilir.
Qeyd olunub ki, bütün müraciətlər diqqətlə yoxlanılır, uçot-qeydiyyatı aparılmaqla nəzarətə götürülür. Qəbula gələn 159 vətəndaşı dinləyən S.Nemətov onların problemlərinin həlli üçün baş idarə, idarə və şöbə rəislərinə müvafiq tapşırıqlar verib:
"Müraciətlərin əksəriyyəti yerində həllini tapıb. Elə müraciətlər var ki, araşdırma tələb edir. Həmin araşdırmalar çərçivəsində müraciətlərin mahiyyətinə uyğun və nəticəsindən asılı olaraq müvafiq qərarlar qəbul ediləcək".
Məlumatda vurğulanıb ki, muxtar respublikanın daxili işlər naziri vətəndaş qəbullarını davam etdirir.
- Bakıda maşın 2 piyadanı vurdu, biri öldü
- Dönərlə bağlı yeni texniki normativ hüquqi akt hazırlandı
- Azərbaycana 17 sm qar yağdı
- Bakıda yaşlı ər və arvad qətlə yetirildi
- Bakı Dəmiryol Vağzalında təmir: qrafikdə dəyişiklik olacaq?
- İki nəfərin ölümünə səbəb olan tuneli bu şəxs tikib
- Azərbaycan Qazaxıstandan 20 dəvə aldı - Qiymət
- Bakının bəzi ərazilərində qaz olmayacaq