BMT Təhlükəsizlik Şurası yanvarın 9-da Suriyaya transsərhəd yardım göstərmək üçün yaradılmış mexanizmin uzadılması imkanını müzakirə edəcək.
BUTA.TV xəbər verir ki, bunu BMT Təhlükəsizlik Şurasına sədrlik edən Yaponiyanın daimi nümayəndəsi Kimihiro İsikane deyib.
"Mən diqqəti yanvarın 10-da başa çatan Suriyaya transsərhəd yardım mexanizminə cəlb etmək istərdim. Biz bu məsələnin müzakirəsini yanvarın 9-na təyin etmişik", - o deyib.
Qeyd edək ki, ötən il iyulun 8-də Rusiya Suriya transsərhəd yardım mexanizminin bir il müddətinə uzadılmasını təklif edən Qərb qətnamə layihəsinə səs verərkən veto hüququndan istifadə edib. Eyni zamanda, iyulun 12-də BMT Təhlükəsizlik Şurası Rusiya layihəsi əsasında mexanizmin 2023-cü il yanvarın 10-na qədər davam etdirilməsi ilə bağlı qətnaməni təsdiqləyib. Əgər yeni qətnamə təsdiq olunarsa, müddətin 6 ay uzadılması ehtimalı var.
- Bakıda maşın 2 piyadanı vurdu, biri öldü
- Dönərlə bağlı yeni texniki normativ hüquqi akt hazırlandı
- Azərbaycana 17 sm qar yağdı
- Bakıda yaşlı ər və arvad qətlə yetirildi
- Bakı Dəmiryol Vağzalında təmir: qrafikdə dəyişiklik olacaq?
- İki nəfərin ölümünə səbəb olan tuneli bu şəxs tikib
- Azərbaycan Qazaxıstandan 20 dəvə aldı - Qiymət
- Bakının bəzi ərazilərində qaz olmayacaq