"Ümumiyyətlə, hər zaman dövlətin özəl sektorun işinə birbaşa qarışmasına həmişə qarşı olmuşam, o cümlədən də taksi xidmətinin". 

Bu fikirləri  açıqlamasında iqtisadçı-ekspert Natiq Cəfərli deyib.

İqtisadçı qeyd edib ki, taksi xidməti Azərbaycanda postsovet məkanında ən ucuz xidmətlərdən biridir:

"İndi hava şəraiti ilə əlaqədar taksidə qiymət artımı təbiidir. Çünki bunun amortizasiya xərcləri də var. Yəqin, siz videolarda da gördünüz ki, hava şəraitinin pis olmasıyla əlaqəli maşınların bir xeyli hissəsi qəzalara uğradı, əzilmələr oldu. Bunların hamısı amortizasiya xərcləridir. Qiymətin müəyyənləşdirilməsinin üzərinə sürücülər həmişə o riskləri də gəlirlər ki, maşın əzilə bilər. Yolların buz bağlamasına görə də qiymətlər artır. 

Hava şəraiti düzələn kimi qiymətlər də aşağı düşəcək. Bunun hər hansı formada qarşısını almaq, inzibati tənzimlənmə mexanizmi yaratmaq, dövlətin müdaxiləsini təmin etmək doğru yanaşmalar deyil. Nəticə etibarilə dövlət taksi xidmətinə müdaxilə etsə, əksinə qiymətlər xeyli artacaq. Məhz taksi xidməti Azərbaycanda rəqabətli mühitdə fəaliyyət göstərdiyi üçün ucuzdur. Bu qış havalarını nəzərə almasaq, qiymətlər çox ucuzdur. Son illər qiyməti enən yeganə sahədir ki, bütün sahələrdə qiymətlər qalxıb, ancaq taksidə əksinədir".

• AB və Azərbaycan arasında mühüm müzakirə
• Bakı bu ölkənin vətəndaşları üçün vizasız rejim təklif etdi
• Vəkillər Kollegiyasından bu şəxslərə xəbərdarlıq
• Azərbaycanlıları öldürən rus polislər mükafatlandırıldı
• İlham Əliyevin orada yer alması təsadüfi deyil - Aksoy
• Bu deputatlara vəzifə veriləcək - Siyahı
• Bu şəxslərə xoş xəbər: Maaşları iki dəfə artacaq
• 3 aydan sonra Ermənistana hücum olacaq - Hazırlıq başladı