Azərbaycan Dövlət Akademik Musiqili Teatrında Xalq artisti, görkəmli bəstəkar Polad Bülbüloğlunun “Nəğməmə inan” tamaşasının premyerası olunub.
Mədəniyyət Nazirliyindən Kult.az-a bildirilib ki, dövlət rəsmilərinin, ölkənin tanınmış teatr xadimlərinin, incəsənət adamlarının qatıldığı premyera anşlaqla keçib.
Rus bölməsində hazırlanan maraqlı tamaşadan sonra teatrın simfonik orkestrinin müşayiəti ilə Polad Bülbüloğlunun ecazkar ifaları tamaşaçılar tərəfindən sürəkli alqışlarla qarşılanıb. Həm premyera, həm də ad günü münasibətilə böyük bəstəkarı təbrik edən pərəstişkarları ona və yaradıcı heyətə gül-çiçək dəstələri təqdim ediblər.
Qeyd edək ki, tamaşanın libretto və mahnı mətnlərinin müəllifi Mixail Şerbaçenko da tamaşaçılar arasında olub.
Səhnə əsərinin quruluşçu rejissoru teatrın baş rejissoru Cavid İmamverdiyev, quruluşçu dirijoru Əməkdar incəsənət xadimi Fəxrəddin Atayev, quruluşçu rəssamı Vüsal Rəhim, quruluşçu baletmeysteri Əməkdar artist Nigar Şahmuradova, xormeysteri Əməkdar artist Vaqif Məstanovdur.
- Ölkəmizdə övladlarına X, D adı qoymaq üçün nələr etdilər - Video
- Moskvada Bakı Şəhər Günləri keçiriləcək
- Azərbaycandakı tanınmış şirkət cərimələnə bilər
- DİN-dən bank kartları ilə bağlı xəbərdarlıq!
- İrəvan Bakıdan onun meyitini istəməyə hazırlaşır
- İrəvan Bakıdan onun meyitini istəməyə hazırlaşır
- Gürcüstanda zəlzələ oldu, Ermənistanda da hiss edildi
- Bakıda güclü yanan obyekt məşhur otel imiş