Vəkil Əkrəm Həsənov Ali Məhkəmənin sədri Ramiz Rzayevin səlahiyyət müddətinin başa çatdığını iddia edib.
“BUTA.TV” xəbər verir ki, hüquq müdafiəçisi bu barədə sosial şəbəkə hesabında paylaşım edib. O bildirib ki, bu yaxınlarda R.Rzayevin 70 yaşı tamam olub:
“Əslində, Ramiz Rzayevin səlahiyyət müddəti 2 il əvvəl bitmişdi. Çünki qanuna görə Ali Məhkəmənin hakimləri üçün son yaş həddi 68-dir. Sadəcə sədr 5 il müddətinə təyin olunduğu üçün qanuna zidd olaraq 2 il də sədrlik etdi”.Məsələ ilə bağlı Ali Məhkəmənin Mətbuat Xidməti ilə əlaqə saxlamağa çalışsaq da, zənglərimizə cavab verilmədi. Quruma daha sonra yazılı sorğu ünvanladıq. Qeyd edək ki, Azərbaycanda Ali Məhkəmə sədri Prezidentin sərəncamı ilə 5 il müddətə təyin olunur. Ali Məhkəmənin hakimləri üçün son yaş həddi 68, digər instansiya məhkəmələrinin hakimləri üçün 66 yaşdır. İcraatında iş olduğu zaman zaman hakimin səlahiyyət müddəti başa çatarsa, onun səlahiyyəti həmin işə baxılıb qurtaranadək davam edir.
Xatırladaq ki, R.Rzayev 2005-ci ildən Ali Məhkəmənin sədridir. O, sonuncu dəfə 2018-ci ildə (65 yaşı olarkən) müvafiq vəzifəyə təyin edilib. Bu il fevralın 25-də onun 70 yaşı tamam olub
- Hüseyndən həbs xəbərlərinə reaksiya
- Erməni parlamentində dava: Köçəryanın atası azərbaycanlıdır!
- Pakistan Azərbaycan və Türkiyəyə belə təşəkkür etdi - Foto
- Kallas Mirzoyanla görüşdü, Bakı ilə sülhdən danışdı
- Prezidentin yüksək vəzifəyə təyin etdiyi Piriyev kimdir?
- BƏƏ-dən qızıl gətirən DGK-nın vəzifəliləri ilə bağlı yeni xəbər
- Baş Prokurorluğun sorğusuna dair qərar qəbul edildi
- Şahbaz Şərif İlham Əliyevə təşəkkür etdi