Ötən gün Şuşa Rayon İcra Hakimiyyətinin başçısı Bayram Səfərovla jurnalist arasında yaranan qalmaqal ciddi müzakirələrə səbəb olub.

BUTA.TV xəbər verir ki, müxtəlif qalmaqallarla vaxtaşırı olaraq gündəmə gələn Bayram Səfərovun jurnalistin sualına “Sənə dəxli yoxdur” cavabı və müxbirin “Mən hesab soruram” inadı birmənalı qarşılanmayıb. Əksəriyyət, xüsusilə media nümayəndələri məmurun qeyri-normal cavabına jurnalistin qeyri-adekvat reaksiya verdiyini düşünür.

Sözügedən məsələ ilə bağlı saytımıza açıqlama verən media eksperti, professor Qulu Məhərrəmli bildirib ki, jurnalist istədiyi adama, istədiyi sualı verməlidir; onun suallarına heç bir məhdudiyyət yoxdur:

“Ola bilər ki, jurnalistin ifadələrində yerinə düşməyən sözlər olsun, ola bilər ki, sual bir az emosional şəkildə verilsin. Bütün hallarda ictimai maraq kəsb edən mövzudursa, jurnalist istədiyi sualı verə bilər. Məmurun borcu bu sualı cavablandırmaqdır. Amma məmurun da cavab verməmək hüququnu tanımaq lazımdır. Ona görə də məmurun cavab vermədiyi halda jurnalislərin dirəniş göstərməsi heç də həmişə onların xeyrinə olmur. Həmişə sualı etik çərçivəni gözləməklə vermək lazımdır”.

Professor qeyd edib ki, bu kontekstdə jurnalisti qınamır:

“Jurnalist istədiyi sualı verə bilər və o tamaşaçı, oxucu, auditoriya üçün bu cavabı almalıdır. Doğrudur, jurnalist ard-arda eyni sualı verməkdən və yersiz mübahisədən yayınmalıdır. Suala verilən cavab artıq oxucu-tamaşaçı rəyini formalaşdırır. Yəni jurnalistin çılğın reaksiyasına ehtiyac yoxdur, nəticəni tamaşaçının ixtiyarına buraxmaq lazımdır. Bu halda uduzan məmur olur, jurnalist deyil”.

• Ermənistan əvvəllər bizim deyildi... - Paşinyan
• ABŞ səfirliyi "Qarabağ"ı təbrik etdi
• Azərbaycan infrastrukturundan istifadə etmək... - Paşinyan
• 95%-lə qələbə: Trampa qarşı “mavi sunami” olacaq!
• Bəlkə də yaxın 10-20 ildə bir də bu tarixi yaşamayacağıq…
• Britaniya səfirindən "Qarabağ"la bağlı paylaşım: Qürurvericidir
• AB və Azərbaycan arasında mühüm müzakirə
• Bakı bu ölkənin vətəndaşları üçün vizasız rejim təklif etdi