Dövlətimiz atdığı addımlarla sülh istədiyini nümayiş etdirir. Ona görə də Ermənistan Azərbaycandan nəsə istəyə bilməz, çünki subyekt deyil, obyektdir. Bu ölkə son vaxtlar karvansaraya dönüb. Kim istəyir gəlir, kim istəyir orada özünün hərbi missiyasını yerləşdirir. Yəni Ermənistanın beynəlxalq arenada belə addımlara qarşı çıxmağa gücü və cəsarəti yoxdur. Çünki özü maşadır. Gah İranın, gah ABŞ-ın, gah Fransa, gah da Rusiyanın dirijor çubuğu ilə oturub durur. Nəticə etibarilə rəsmi İrəvan üzərindən proseslərə müdaxilə edənlər bölgədə xaosun olmasını istəyirlər.
Bu sözləri BUTA.TV-a son iki gündə törədilən erməni təxribatları haqda danışan Hüquq və İnsan Haqları İnstitunun əməkdaşı, siyasi şərhçi Rizvan Hüseynov deyib.
Siyasi şərhçi Azərbaycanın haqlı şəkildə Ermənistana qarşı daha çox hərbi-siyasi üslubdan istifadə etdiyini vurğulayıb:
“Əfsuslar olsun ki, biz danışıqlar prosesinin daha çox hərbi-siyasi metodlar ilə irəlilədiyini görürük. Ermənistanın başından dəmir yumruq əskik olan kimi danışıqlar dalana dirənir və Paşinyan hökuməti sərsəmləməyə başlayır. Separatçılar rus sülhməramlıların gözü qarşısında özlərinə mövqe qurur, Ermənistandan silah daşıyırlar. Azərbaycan isə öz cavabını sözlə yox, əməllə verir. Dünən baş verənlərin də mahiyyəti budur. Biz bütün təxribatlara hazır olmalıyıq. Çünki qarşıdakı həftələrdə baş verən təxribatların siyasətə də öz təsiri olacaq. Artıq Azərbaycana gələn xarici ölkə nümayəndələrinin sayının artması da bunu sübut edir. Lakin bütün hallarda əsas olan Ermənistanın yox, bizim nə istəməyimiz və sərgiləyəcəyimiz mövqedir. Dövlətimizin də mövqeyi və tələbləri aydındır”.
- KTMT Qarabağda İrəvanın tərəfində vuruşmamalı idi...
- Moskvanın Ərdoğana sualları olacaq: əslində nə baş verir?
- Suriyada hücumun arxasında Türkiyə dayanır? - Atabəy
- Bakını hədəfə alan qız Türkiyədə elə sözlər dedi ki... - Foto
- Dudanın Azərbaycan sərhədinə gəlişi... - Markov
- Hədəfimiz Azərbaycandır: iki qardaş xalq... - İranlı nazir
- Ermənistan himnimizə də göz dikdi: "Üç rəngli..."
- Qərbin hücumu və Bakıda qırılan “100 milyard” tilsimi