Qarabağa Ermənistandan silah daşınmasından sonra Xankəndidə aktivlik başlayıb.

BUTA.TV Globalinfo.az-a istinadən xəbər verir ki, dünən qondarma rejimin “təhlükəsizlik şurası”nın təcili “iclas”ından sonra bu gün “dövlət naziri” Qurgen Nersisyan bütün“mülki müdafiə xidmətləri” və “rayon başçılarının toplantısını” təşkil edib.

Nersisyan görüş zamanı mülki müdafiə üçün qısamüddətli və uzunmüddətli fəaliyyət planının hazırlanması gərəkdiyini bildirib. Üstəlik, sığınacaqların vəziyyəti haqqında hesabatı dinləyib və daha sonra yerli əhalinin köməyi təcili görülməli olacaq işlərin siyahısını təqdim edib.

Bununla belə, separatçıların “rəhbər” şəxsi “mülki müdafiə işçilərinin” niyə təcili toplanılmasına aydınlıq gətirməyib.

Qeyd edək ki, bundan öncə Ermənistandan Rusiya sülhməramlıları vasitəsilə Xankəndinə növbəti silah daşınmasının görüntüsü yayılıb. Azərbaycan tərəfi görüntünü yaydıqdan sonra prosesi kəskin şəkildə tənqid edib və özünün təhlükəsizliyini təmin etmək üçün hər şeyi edəcəyini açıqlayıb. Bakının bu bəyanatından az sonra qondarma rejimin “rəhbərliyi” “təhlükəsizlik şurası”nın iclasını çağırıb.

• Bu məsələdə nə Sərkisyanın, nə də Paşinyanın mövqeyi... - Marukyan
• Azərbaycan XİN-dən Atatürkün vəfatının ildönümü ilə bağlı paylaşım
• Nikol müşavirə keçirdi: Ordunun modernləşməsi...
• Tokayevin qərarı Türkiyəni narazı sala bilər?
• “Vətən Müharibəsi Qəhrəmanı” yüksək addır, yoxsa “Milli Qəhrəman”?
• Balasanyan ortaya çıxdı, Bakı ilə bağlı ilk bu sözləri dedi - İnanılmaz
• Azərbaycan UNESKO komitəsinə üzv seçildi
• Rəsul Quliyev Bakıya gəlir - Özü açıqladı