Qara dənizdə ABŞ-ın MQ-9 “Reaper” PUA-sı ilə insident Vaşinqtonla Moskva arasında birbaşa münaqişəyə səbəb olmayacaq.

BUTA.TV xəbər verir ki, bu barədə ABŞ-ın Müharibənin Öyrənilməsi İnstitutunun ötən gün Qara dənizdə Rusiya qırıcısı ilə ABŞ PUA-sının toqquşması, nəticədə PUA-nın dənizə düşməsi haqqında hesabatında bildirilib.

“Rus qoşunları onilliklər ərzində münaqişə yaratmadan ABŞ və müttəfiqlərinin təyyarə və gəmilərinə qarşı hədə-qorxu taktikasından istifadə ediblər. ABŞ və Rusiya prezidentlərinin necə cavab verməklə bağlı tam seçim azadlığı var və bu cür hadisələr avtomatik olaraq ölkələr arasında qarşıdurmanın kəskinləşməsinə səbəb olmayıb.

Prezident Co Baydenin ABŞ hərbçiləri ilə Rusiya arasında birbaşa münaqişədən qaçmaq istəyindən dəfələrlə danışdığını və Kremlin NATO ilə müharibəyə başlamaq istəmədiyini açıq-aydın və dəfələrlə nümayiş etdirdiyini nəzərə alsaq, bu kimi hadisələrin təhlükəli eskalasiyaya səbəb ola biləcəyinə inanmaq üçün heç bir əsas yoxdur”, - hesabatda qeyd olunub.

• İran və Oman Hörmüzlə bağlı razılığa gəldi
• "Türkiyə Əsri"ni qurmağa başlamışıq - Ərdoğan
• Hörmüzdə bütün minalar məhv edilib - Tramp
• Ermənistanda hərbçi asılmış vəziyyətdə tapıldı
• “Ramiz Mehdiyevin kürəkəni ilə razılaşmasaq, həbsə gedəcəyimizi demişdi”
• “Sabah”dan bərabərlik qolu - Canlı-Yenilənir
• Simonyan Rusiya səfiri ilə görüşdü
• Ukraynada qadınlar orduya çağırılır? - Rəsmi açıqlama