Bu gün Milli Məclisin Hüquq siyasəti və dövlət quruculuğu və İqtisadi siyasət, sənaye və sahibkarlıq komitələrinin birgə iclasında Azərbaycan Respublikasının Şəhərsalma və Tikinti Məcəlləsinə dəyişikliklər müzakirə olunub.

BUTA.TV xəbər verir ki, bu barədə millət vəkili Vüqar Bayramov qeyd edib.

Millət vəkili bildirib ki, dəyişikliyə görə 2023-cü il martın 1-dək inşa edilmiş, ancaq etibarlılıq və təhlükəsizlik tələblərinə uyğunluğuna dair rəyi təqdim edən qeyri-yaşayış sahələri çıxarış (kupça) ilə təmin ediləcək:

“Bu o deməkdir ki, hansı ildə inşa ediıməsindən asılı olmayaraq, tikintisi sözügedən Məcəllənin tələblərinə uyğun aparılmayan, amma etibarlılığı və təhlükəsizliyi olan bütün qeyri-yaşayış sahələrinin istismarına icazə veriləcək. İlkin qiymətləndirmələrə əsasən, bu sadələşdirmə 40 mindən çox obyekti əhatə edəcək.

Digər dəyişikliklər ilə istismar prosedurlarının daha da sadələşdirilməsi və elektronlaşdırılması nəzərdə tutulur. Bu baxımdan, dəyişikliklər daşınmaz əmlak sektorunda şəffaflığın daha da artmasına və sənədləşmənin sürətlənməsinə xidmət edəcək”.

V.Bayramov həmçinin vurğulayıb ki, müzakirələr zamanı növbəti mərhələdə 500 mindən çox sənədsiz fərdi evin də qeydiyyatı ilə bağlı işlərin sürətləndirilməsinin vacibliyi qeyd olunub. Sözügedən mərhələdə çıxarışların verilməsinin sadələşdirilməsi bu evləri də əhatə edə bilər.

• Putin Mehriban Əliyevanı təbrik etdi
• İran və Oman Hörmüzlə bağlı razılığa gəldi
• "Türkiyə Əsri"ni qurmağa başlamışıq - Ərdoğan
• Hörmüzdə bütün minalar məhv edilib - Tramp
• Ermənistanda hərbçi asılmış vəziyyətdə tapıldı
• “Ramiz Mehdiyevin kürəkəni ilə razılaşmasaq, həbsə gedəcəyimizi demişdi”
• “Sabah”dan bərabərlik qolu - Canlı-Yenilənir
• Simonyan Rusiya səfiri ilə görüşdü