Donald Trampın qarşıdan gələn seçkidə Respublikaçılar Partiyasından ABŞ prezidentliyinə namizəd kimi irəli sürülməsi Vaşinqtonun Kiyevə əlavə yardım göstərməsini çətinləşdirəcək.

BUTA.TV xəbər verir ki, bunu NATO-nun keçmiş baş katibi Anders Foq Rasmussen deyib.

“Mən bunu geosiyasi fəlakət adlandırıram, çünki seçkiqabağı kampaniya zamanı onun təsiri dağıdıcı olacaq. ABŞ-da keçirilən sosioloji sorğuların nəticələri amerikalılar arasında Ukraynaya dəstəyin zəiflədiyini göstərir. Tramp prezidentliyə namizəd olarsa, bu proses sürətlənəcək. Onun ideyalarının Amerika cəmiyyətinin müəyyən hissəsi üçün cəlbedici olması faktının özü Amerika siyasətini yanlış istiqamətə yönəldəcək”, - o bildirib.

Rasmussen qeyd edib ki, Tramp ABŞ-ın Ukrayna ilə bağlı əlavə yardımı dayandırmaq kursunu dəstəkləyəcək və bu, təslimiyyətə çevriləcək:

“Ümid edirəm ki, respublikaçılar qarşıdan gələn prezident seçkisində ABŞ-ın dünya işlərində aparıcı roluna Trampdan daha çox meylli namizəd irəli sürəcəklər”.

• "Türkiyə Əsri"ni qurmağa başlamışıq - Ərdoğan
• Hörmüzdə bütün minalar məhv edilib - Tramp
• Ermənistanda hərbçi asılmış vəziyyətdə tapıldı
• “Ramiz Mehdiyevin kürəkəni ilə razılaşmasaq, həbsə gedəcəyimizi demişdi”
• “Sabah” “Hapoel”ə qarşı - Canlı-Yenilənir
• Simonyan Rusiya səfiri ilə görüşdü
• Ukraynada qadınlar orduya çağırılır? - Rəsmi açıqlama
• İran hərbçilərə maaş vermir, nümayişçiləri öldürür - Tramp