Əgər yeni müttəfiqlər axtarsaq, çox ağır cəzalandırılacağıq. Ermənistan KTMT sədrinin müavini kvotasından imtina barədə qərarını geri götürməlidir, çünki indiki çətin vəziyyətdə bu strukturun rəhbər orqanında nümayəndənin olmaması sadəcə olaraq qəbuledilməzdir.
BUTA.TV xəbər verir ki, bunu beynəlxalq məsələlər üzrə erməni ekspert Qriqor Balasanyan Ermənistanla KTMT münasibətləri haqda deyib.
“KTMT kimi hərbi-siyasi blokla bağlı qeyri-ciddi bəyanatlardan qaçmaq lazımdır. Paşinyanın sözlərindən belə çıxır ki, biz KTMT-də qalmaq istəyirik, amma bizi qovurlar. Bu doğru deyil. Ermənistan bu hərbi-siyasi bloku, KTMT isə Ermənistanı tərk etməyəcək. Narahatlığı unutmağın vaxtıdır. Biz bütün kəskin bucaqları hamarlamağı bacarmalıyıq, oturaq və həmkarlarımızla birlikdə bütün problemləri aydınlaşdıraq”, - o bildirib.
Balasanyanın fikrincə, indi, sərhəddə eskalasiya riskinin həqiqətən yüksək olduğu bir vaxtda KTMT-yə hər zamankından daha ciddi yanaşmaq lazımdır:
“Qərb Ermənistana heç vaxt hərbi dəstək verməyəcək. Ermənistanın Aİİ-dən çıxmaq niyyətində olmadığı barədə bəyanatlarına paralel olaraq yeni mexanizm və ya təhlükəsizlik sistemlərinin yaradılması ilə bağlı fikirləri ciddi nəticələrə gətirib çıxaracaq. Tərəfdaşlar bu cür bəyanatları ciddi qəbul edə bilməzlər. Çünki müasir dünyada iqtisadi baxımdan bir blokda, hərbi-siyasi baxımdan başqa blokda olmaq mümkün deyil.
Yeni müttəfiqlər tapacağımız halda bizi çox ağır cəza gözləyir. Ukrayna hadisələri buna əyani sübutdur. Bir vaxtlar bu, Gürcüstanın da xeyrinə olmadı. Postsovet məkanında eyni vaxtda iki fərqli sistemdə olmaq adət deyil. Paşinyanın sözləri emosional reaksiyadır. Ölkənin qarşısında duran çağırışlara cavab vermək mümkün deyil, çünki o, əsas hərbi-siyasi ittifaqdan inciyib”.
Ekspert xarici siyasətin spesifikliyində təfərrüatların açıqlanması, hərbi-siyasi müttəfiqlərlə münasibətlərin bütün detallarının müzakirə predmetinə çevrilməsini qəbuledilməz adlandırıb:
“Rusiya-Ukrayna münaqişəsi şəraitində Kremlin düşmənləri ilə razılaşmalar ilk növbədə bizim əsas müttəfiqimizlə münasibətlərə xələl gətirəcək, bundan azərbaycanlılar və türklər istifadə edəcəklər”.
- Şok: İsrail Suriyaya irəliləyir - Türkiyə ordusu girəcək?
- Qrehemdən inanılmaz: ABŞ Ukraynada sərvət uğrunda vuruşur
- Paşinyan “O olmasın, bu olmasın”ı dinlədi - Video
- ABŞ niyə Bakını alqışlamağa məcbur oldu?
- DTX 70 kq qızılla saxlanılan diplomatla bağlı - Məlumat yaydı
- Bu uşaqlara 6000 manat birdəfəlik müavinət veriləcək
- Gürcü Arzusu Maydan istəyir: Bu, onun nəyinə lazımdır?
- Mikaelyan sərhəddən video yaydı: Döyüşə hazırıq!