Prezident Administrasiyası Qarabağdakı ermənilərin nümayəndələrini görüş üçün yenidən Bakıya dəvət edib. Gündəm dəyişmir: reinteqrasiya və Qarabağda infrastruktur layihələrinin icrası məsələlərinin müzakirəsi.

Bu təklifin indi – Qarabağda son əməliyyatdan sonra edilməsi xüsusilə əhəmiyyətlidir.

Birincisi, separatçıların Ermənistana çıxış yollarının bağlanması onlar ətrafında çəmbəri daraldır;

İkincisi, nəfəs yolları bağlanan ermənilərə çıxış yolu təklif edilir: Bakıda reinteqrasiya məsələlərini müzakirə etmək.

Bakıda ilk görüş təklifi ilə ikinci təklif arasında əsas fərq də son əməliyyatın nəticəsində ermənilərin imtina etmək imkanlarının daralmasıdır.

Hərçənd, separatçıların ermənilərin adından bu təklifdən imtina edəcəyi ehtimalı daha böyükdür. Çünki Bakıya gəlmək öz iddialarından imtina etmək və inteqrasiya prosesini qəbul etmək deməkdir. Azərbaycan bunu anlayır və məhz Bakıda görüş üzərində israr etməklə separatçıları, həm də onları dəstəkləyənləri dilemma qarşısında qoyur: ya inteqrasiya prosesini qəbul edəcəklər, ya da onların Qarabağdakı erməni əhalisinin təmsilçisi olmadığı və təmaslara mane olduqları növbəti dəfə təsdiq olunacaq;

Və bu, Bakının separatçılara qarşı addımlarını legitimləşdirən amildir.

PA-nın görüşün Bakıda keçirilməsi təklifini yenidən irəli sürməsi Azərbaycanın ermənilərlə təmasları vasitəçisiz – ruslar olmadan – keçirmək niyyətindən imtina etmədiyi də təsdiq edir.

• "Türkiyə Əsri"ni qurmağa başlamışıq - Ərdoğan
• Hörmüzdə bütün minalar məhv edilib - Tramp
• Ermənistanda hərbçi asılmış vəziyyətdə tapıldı
• “Ramiz Mehdiyevin kürəkəni ilə razılaşmasaq, həbsə gedəcəyimizi demişdi”
• “Sabah” ikisini buraxdı, biri yazıldı... - Canlı-Yenilənir
• Simonyan Rusiya səfiri ilə görüşdü
• Ukraynada qadınlar orduya çağırılır? - Rəsmi açıqlama
• İran hərbçilərə maaş vermir, nümayişçiləri öldürür - Tramp