Böyük Britaniya “Vaqner”lə əlaqəsi olduğu iddia edilən Mərkəzi Afrika Respublikası, Sudan və Malidə səkkiz şəxs və beş şirkətə sanksiya tətbiq edib.
BUTA.TV xəbər verir ki, bu barədə TASS məlumat yayıb.
Məlumata görə, Sudanda qızıl hasilatı ilə məşğul olan Yevgeni Priqojinin “M İnvest” şirkəti, Sudanın “Maroe Gold” və “Al-Solag Mining Company” kompaniyaları, eləcə də Mərkəzi Afrika Respublikasında fəaliyyət göstərən “Lobaye Invest Sarlu” və “Sewa Security” şirkətləri ölkədə sülhə, sabitliyə xələl gətirən fəaliyyətlə məşğul olduqlarına görə sanksiyaya məruz qalıb.
Bütün şirkətlərin “Vaqner”lə əlaqəli olduğu iddia edilir. Siyahıya Priqojinin strukturlarının işçiləri və ya “Vaqner” bölmələrinin komandirləri olan səkkiz nəfər də daxildir. Onların arasında “Maroe Gold”un direktoru və “M İnvest”in regional direktoru Mixail Potepkin, həmçinin “M Invest”in baş direktoru Andrey Mandel də var. Siyahıda Aleksandr Maloletko, Konstantin Pikalov, Aleksandr İvanov, Mərkəzi Afrika Respublikasında “Vaqner” qrupunun komandiri təyin edilmiş Vitali Perfilev, Banqidəki Rus Evinin rəhbəri Dmitri Sıtı və Malidə “Vaqner” qrupunun rəhbəri seçilən İvan Maslov da yer alır.
Tətbiq olunan sanksiyalar Böyük Britaniyadakı fiziki və hüquqi şəxslərin aktivlərinin, əgər varsa, müsadirə edilməsini və ölkəyə girişinin qadağan edilməsini nəzərdə tutur.
- “Rusiya tərəfi qardaşlarımın qətlini ört-basdır etməyə çalışır“ - Seyfəddin Hüseynli
- Bakıda qərar gözlənilir – Kremlin həssas nöqtəsi “vurulur”?
- Rusiyadakı qadın təşkilatlarına və cəmiyyətlərə müraciət
- Türk mediası Rusiyadakı zorakılığı göstərdi - Video
- Ərdoğandan Azərbaycana növbəti təşəkkür
- Bakıya gələn “Ruptly”nin redaktoru saxlanıldı – Təcili
- Bakıda Rusiyanın Mədəniyyət Mərkəzi bağlanıb?
- Yekaterinburqdakı qətllə bağlı bəyanat yayıldı