Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin “İnnovasiyalar Mərkəzi” ilə "Azərlotereya" ASC arasında memorandum imzalanıb.
BUTA.TV xəbər verir ki, INNOLAND" İnkubasiya və Akselerasiya Mərkəzində baş tutan mərasimdə müqaviləni “İnnovasiyalar Mərkəzi”nin direktoru Vüsal Rüstəmov və “Azərlotereya”nın İdarə Heyətinin sədri Osman Karakuş imzalayıblar.
Memorandumun əsas məqsədi ölkəmizdə startap ekosisteminin inkişafına və vətəndaşların maarifləndirilməsinə yardım edən müasir pedaqoji və informasiya-kommunikasiya texnologiyaları sahəsində qarşılıqlı əməkdaşlığı dərinləşdirmək və inkişaf etdirməkdir.
“İnnovasiyalar Mərkəzi” ilə ölkənin qanuni lotereya təşkilatçısı və idman mərc oyunları operatoru "Azərlotereya"nın birgə əməkdaşlığı ideyalar, biliklər və vərdişlərlə təcrübə mübadilələrinin həyata keçirilməsinə, müasir cəmiyyət, təhsil və sənayedə informasiya texnologiyalarının tətbiqi ilə vətəndaşların maarifləndirilməsi niyyətinin reallaşmasına xidmət edəcək.
Memorandum çərçivəsində müxtəlif sahələrdə startapların, cəmiyyət üçün faydalı olacaq, dünya bazarına çıxarıla biləcək layihələrin dəstəklənməsi planlaşdırılır.
- “Rusiya tərəfi qardaşlarımın qətlini ört-basdır etməyə çalışır“ - Seyfəddin Hüseynli
- Bakıda qərar gözlənilir – Kremlin həssas nöqtəsi “vurulur”?
- Rusiyadakı qadın təşkilatlarına və cəmiyyətlərə müraciət
- Türk mediası Rusiyadakı zorakılığı göstərdi - Video
- Ərdoğandan Azərbaycana növbəti təşəkkür
- Bakıya gələn “Ruptly”nin redaktoru saxlanıldı – Təcili
- Bakıda Rusiyanın Mədəniyyət Mərkəzi bağlanıb?
- Yekaterinburqdakı qətllə bağlı bəyanat yayıldı