Səudiyyə Ərəbistanın “Əl-Nəsr” klubunun dünyaca məşhur portuqaliyalı oyunçusu Kristian Ronalda 19 ildə ilk dəfə olaraq “Qızıl top”a iddialılar siyahısına salınmayıb.

BUTA.TV xəbər verir ki, “France Football” jurnalı mükafata iddialı 30 namizədin siyahısını dərc edib.

“Qızıl top”un beşqat qalibi Ronaldo oraya daxil olmayıb. Portuqaliyalı futbolçu daha əvvəl 2008, 2013, 2014, 2016, 2017-ci illərdə bu mükafata layiq görülüb.

Qeyd edək ki, 2022/23 mövsümünün ən yaxşı futbolçusuna verilən “Qızıl top” mükafatlandırma mərasimi oktyabrın 30-da Parisdəki “Chatelet” Teatrında keçiriləcək.