Moskvanın Malyukla bağlı tələbinə Kiyevdən cavab...

23:36 - 31 Mart 2024 - GÜNDƏM

 Moskvanın Malyukla bağlı tələbinə Kiyevdən cavab...

Ukrayna Təhlükəsizlik Xidməti Rusiya XİN-in Moskvada baş vermiş irimiqyaslı terror aktında Kiyevin əli olması ilə bağlı bəyanatını əhəmiyyətsiz adlandırıb.

BUTA.TV xəbər verir ki, bu barədə Ukrayna mətbuatı məlumat yayıb.

"Beynəlxalq hüquq normalarına, daha doğrusu, terrorizmə qarşı mübarizə haqqında konvensiyaya müraciət etməyə çalışan Rusiya Xarici İşlər Nazirliyi unudur ki, məhz Putin rəsmi olaraq beynəlxalq axtarışa verilib - xüsusən də onu ukraynalı uşaqların qaçırılmasına görə Haaqa Tribunalında gözləyirlər. Buçanın azad edilməsinin ildönümü və rusların orada törətdiyi vəhşiliklər fonunda terrorla bağlı bəyanatları xüsusilə terrorçu ölkənin özündən eşitmək çirkin görünür",- məlumatda deyilir.

Vurğulanıb ki, Rusiyanın diqqətəlayiq yeganə bəyanatı müharibədə məğlubiyyətin elan edilməsi və işğalçı qüvvələrin Ukraynadan çıxarılması ola bilərdi.

Bu xəbər hal-hazırda çox oxunur
"4 dəqiqəyə 7 min qazanıram" - VİDEO

Qeyd edək ki, Rusiya XİN Krım körpüsünün bombalanmasını və digər terror aktlarının təşkilinin təfərrüatını etiraf edən Ukrayna Təhlükəsizlik Xidmətinin rəhbəri Vasili Malyukun həbsini rəsmi Kiyevdən tələb edib.


Ən son xəbərləri səhifəmizdən də izləyin

Buta.ws

Qeydiyyat

Facebook ilə daxil ol

Daxil

Facebook ilə daxil ol