Bakı Dövlət Universitetinin (BDU) tarixi ilə bağlı yeni araşdırma aparılıb.
BUTA.TV xəbər verir ki, araşdırmanı tarixçilər Nazim Xəlilov, Elnur Nəciyev və Emin Məlikov aparıblar.
Tarixçilər bildiriblər ki, indiyədək yayılmış informasiyalarda BDU-nun adının 5 dəfə dəyişdirildiyi göstərilib:
"Amma arxiv sənədləri sübut edir ki, BDU-nun adı 7 dəfə (1922, 1924, 1934, 1939, 1990, 1991, 2000) dəyişdirilib. Yeni araşdırmamız xronologiya formasındadır. Burada BDU-nun tarixi aydın və yığcam şəkildə təqdim edilir.
Araşdırmamızda həmçinin qeyd edilir ki, 105 yaşlı ali məktəbin tarixi adı ilk dəfə 2000-ci ildə yox, 1990-cı ildə bərpa olunub. Azərbaycan SSR Xalq Təhsili Nazirliyinin 1 mart 1990-cı il tarixli əmrində deyilirdi: "S.M.Kirov adına Azərbaycan Dövlət Universitetinin ilkin adı bərpa edilsin və Bakı Dövlət Universiteti adlandırılsın".
Biz tarixçi alimlər Ziyad Əmrahov və Samir İsmayılova dərin təşəkkür edirik! Bu xronologiyanı onların "Bakı Dövlət Universitetinin tarixi" adlı kitabındakı arxiv sənədləri əsasında tərtib etmişik. Sonda onu da bildirmək istəyirik ki, yeni araşdırmamızı BDU-nun 105 illik yubileyinə həsr etmişik".
Tarixçilərin araşdırmasına görə, BDU-nun adı aşağıdakı kimi olub:
1) 1919-1922 - BDU
2) 1922-1924 - ADU
3) 1924-1930 - V.İ.Lenin adına ADU
4) 1930-1934 - fəaliyyəti dayandırılıb
5) 1934-1939 - ADU
6) 1939-1990 - S.M.Kirov adına ADU
7) 1990-1991 - BDU
8) 1991-2000 - M.Ə.Rəsulzadə adına BDU
9) 2000-ci ildən - BDU.
- Bu yolun Azərbaycana verilməsi düzgün qərardır - Nikol
- Azərbaycan Zəngəzur vasitəsilə silah daşıyacaq? - Paşinyan
- Trampın Almaniya ilə Ermənistanı səhv salması...
- Qarabağla bağlı təxribatçı düzəliş qəbul olundu - Foto
- İrəvanda təşviş: bu sahələr Azərbaycanın nəzarətinə keçəcək
- Bakıdan Kiyevə daha bir jest: Bu kvotalar artırıldı
- Ağır dərs, robota çevrilən şagirdlər – Nazirlik qərar verdi
- Almaniya vətəndaşlarını çıxarır: İrana hücum olacaq!