Bakıda yaşadığı evdə atasını bıçaqlamaqda təqsirləndirilən qızın cinayət işi üzrə məhkəmə istintaqı yekunlaşıb.
BUTA.TV Qaynarinfo.az-a istinadla xəbər verir ki, 1994-cü il tarixində Bakı şəhərində anadan olmuş Ülviyyə Şükürova (soyad şərti) 22 avqust 2023-cü il tarixində, saat 13:30-da ailə münaqişəsi zəminində atasını döş boşluğundan bıçaqlayıb.
22 avqust 2023-cü il tarixində şübhəli şəxs qismində tutulan Ülviyyə barəsində 4 ay müddətinə həbs qətimkan tədbiri seçilib.
Aparılan araşdırma zamanı təqsirləndirilən şəxsin psixi pozuntular nəticəsində hadisəni anlaqsız vəziyyətdə törətməsi məlum olub.
Məhkəmənin qərarına əsasən, Ülviyyə Şükürova Cinayət Məcəlləsinin 126.1-ci maddəsində nəzərdə tutulmuş cinayət əməlini anlaqsız vəziyyətdə törətdiyi üçün cinayət məsuliyyətindən azad edilib və haqqında ümumi tipli psixiatriya stasionarında məcburi müalicə növündə tibbi xarakterli məcburi tədbir təyin olunub.
- Kərim Vəliyev Slovakiyada - Foto
- Paşinyan Bakının daha bir tələbini qəbul etdi
- Bakı-Tehran konsulluq məsləhətləşmələri keçirdi - XİN
- Prezident 4 sədr müavininə yeni vəzifə verdi
- Prezidentdən bu başçı ilə bağlı qərar: Siyahıdan çıxartdı
- Əliyevin Kavelaşvili ilə görüşündən video yayıldı
- Əliyevin Çinə səfəri: Viza rejimi ləğv edilə bilər...
- Gürcüstan prezidentinin Bakı səfəri başa çatdı