İyunun 1-nə keçən gecə Rusiya qoşunları 100 PUA və raketdən istifadə edərək Ukraynanı kütləvi bombardman edib.
BUTA.TV xəbər verir ki, bu barədə Ukrayna lideri Vladimir Zelenski məlumat yayıb.
“Mülkilər, infrastruktur, enerji obyektləri… Bu gecə 50-dən çox müxtəlif tipli raketdən və 50-yə yaxın “Şahid” PUA-sından istifadə ilə Ukraynanın cənubuna, mərkəzinə və qərbinə növbəti hücum olub”, - o bildirib.
Zelenski deyib ki, Rusiyanın əsas məqsədi kifayət qədər hava hücumundan müdafiə sistemlərinin olmamasından istifadə etməkdir:
“Ukrayna üçün əlavə “Patriot” və digər müasir hava hücumundan müdafiə sistemləri, F-16 tədarükünün sürətləndirilməsi və genişləndirilməsi lazımdır. Putin mülki şəxsləri və mülki infrastrukturu hədəfə almaq qabiliyyətini itirdikdə terrorunu dayandırmağa məcbur olacaq. Bu, azad dünya üçün insanlıq və qətiyyət sınağıdır. Ya biz bu sınaqdan birlikdə keçəcəyik, ya da dünya daha da sabitsizliyə və xaosa qərq olacaq”.
- Argentina futbolçuları meydanda siyasi pankart açdı - Fotolar
- Köhnə yara, yeni oyun - Bir adanın kölgəsində
- İnternetdə nasazlıq: 41 namizəd imtahan verə bilmədi
- Sabah Bakının bu ərazilərində işıq olmayacaq
- Gəmidən xilas edilən azərbaycanlılar Vətənə yola salındı
- Bakıda bu küçələrdə hərəkət məhdudlaşdırılacaq
- Argentina ardıcıl ikinci dəfə finalda! - Video-Yenilənib
- Mehdiyevdən bu rayonların sakinlərinə xoş xəbər