Qazax istiqamətində Ermənistanla sərhədin delimitasiya və demarkasiyası nəticəsində Azərbaycana qaytarılan Kirants kəndindəki bəzi əmlaklara görə ödənilən kompensasiyanın məbləği açıqlanıb.
BUTA.TV xəbər verir ki, erməni mediası Ermənistan hökumətinin evə görə 70-100 min dollar kompensasiya verdiyini yazıb. Digər tikili və torpaq sahələrinə görə isə daha az kompensasiya təklif edilib.
Medianın məlumatına görə, kompensasiya alanlar bu rəqəmdən çox razıdırlar, buna baxmayaraq, dəqiq məbləği açıqlamaqdan imtina ediblər.
“Sona qədər mübarizə aparacağını və təzminat almağın əleyhinə olduğu” bildirən kirantslı xanım da kompensasiyadan razılığını bildirib və İcevana köçməyə razılaşıb.
“Məlumata görə, xanımın evi sərhədin delimitasiyası nəticəsində Azərbaycan sərhədləri daxilinə düşən iki evdən biridir. İkinci ev isə “azərbaycanlılara qalmamaq üçün” bir neçə gün əvvəl onu sökməyə başlayan Mgerə məxsusdur”, - erməni mediası yazıb.
Qeyd edək ki, ümumilikdə 2 ev, 1 vaqon-mağaza və 1 qaraj, o cümlədən 50 torpaq sahəsi Azərbaycan sərhədiləri daxilinə düşüb.
- ABŞ və Ermənistan Zəngəzur dəhlizini müzakirə etdi
- Netanyahu açıq şəkildə elan etdi, işğal edəcək: Bəs, necə?
- Kirk simvola çevriləcək, qarşıdurma artacaq
- Bakı ilə İrəvan arasında müqavilə bitən kimi... - Fidan
- Fələstinə dəstək bəyannaməsi - Bakı da lehinə səs verdi
- AB Zəngəzur dəhlizi üçün mühüm rol oynaya bilər
- AB-dən Türkiyə-Ermənistan görüşünə reaksiya
- Azərbaycan və “Albaniya” arasında... - Tramp yenə çaşdı