Paytaxtın köçürülməsi xeyli gecikmiş ideyadır. Hətta torpaqlarımız işğaldan azad olunduqdan sonra bizim tərəfimizdən təklif var idi ki, paytaxt Ağdama köçürülsün. Çünki Ağdam yenidən qurulurdu və bu qurulmada paytaxt üçün lazım olan infrastruktur yaradıla bilərdi.
Bu sözləri BUTA.TV-a Böyük Quruluş Partiyasının sədri Fazil Mustafa paytaxtın Bakı şəhərindən köçürülməsinin zəruriliyi haqqında aparılan müzakirələrə münasibət bildirərkən deyib.
Onun sözlərinə görə, Bakı çox yükləndiyindən, bununla bağlı tədbir görülməsinə ehtiyac var:
“Bizdə səmərəli, faydalı təkliflər bir az gec, böyük imkanlar itiriləndən, məsrəflər çoxalandan sonra qəbul olunur. Ona görə də bu məsələ hələlik kimsəni düşündürmür. Bakıda fəlakətli vəziyyət yaranıb, artıq paytaxtda hərəkət etmək mümkün deyil. İnsanların vaxtının bir neçə saatı tıxaclarda, yollarda keçir. Bunun əlacını tapmaq lazımdır”.
Fazil Mustafa qeyd edib ki, gələcək paytaxt üçün başqa şəhərlərimiz də uyğundur:
“Bu, Ağdam olmaya da bilər. Bakıdan yüz, yüz əlli kilometr aralıda olan hansısa bir məntəqə də ola bilər. Hər halda, yeni paytaxt modeli düşünülməlidir. Çünki böyük idarələrin, iş yerlərinin burada olması ciddi narahatlıq yaradır. Şəhər yaşanmaz bir vəziyyətə gəlib çıxıb. Bu baxımdan hansısa qərarın qəbul edilməsi vacibdir”.
- Verdiyevin həbsi: Necə davranmaq lazımdır? – Şərh
- Ordumuz niyə SEPAH-la hərbi təlim keçirir? – İki səbəb
- Bakı və İrəvan arasında sülh sazişi... – Gülər
- AK-dən antiazərbaycan qüvvələri ifşa edən cavab - Video
- 70 kq qızılla saxlanılan azərbaycanlı ilə bağlı yeni fakt
- Azərbaycanla birgə hərbi təlimlərimiz... - Vilayəti
- Ermənilərin Azərbaycana qarşı silahlı PUA təlimi - Video
- Duda İrəvanda Azərbaycandan danışdı