Qusarda bir qrup sahibkara qarşı səlib yürüşünə başlanıb. Söhbət Qusar rayonu, Samur qəsəbəsi, “Samur” Gömrük-Sərhəd Buraxılış Məntəqəsi yaxınlığında fəaliyyət göstərən sahibkarlardan gedir.
BUTA.TV xəbər verir ki, sahibkarlar Vətəninfo.az-a müraciət edərək çətin duruma düşdüklərini dilə gətiriblər. Sahibkarlar iddia edir ki, onların sahibkarlıq fəaliyyətini həyata keçirdikləri ərazi Rusiyada yaşayan iş adamı Qod Nisanovun xoşuna gəlib.
İş adamı sahibkarlarla deyil, icra başçısı Sahir Məmmədxanovla razılaşmaya gedərək sahibkarlara təzyiq edir. Sahibkarların sözlərinə görə bir neçə gündür ki, onların qanuni mülkiyyətində olan iaşə obyektlərinin işığı və qazı kəsilib. Artıq icra başçısının göstərişi ilə bu obyektlərə dünəndən su da verilmir. Sahibkarlar bildirir ki, onlara qarşı təziqlərin arxasında Rusiyada yaşayan iş adamı Qod Nisanov və onun adamları durur. Bundan əlavə iş adamları bildirir ki, Qod Nisanovun himayəçisi rolunda isə icra başçısı Sahir Məmmədxanov və rayonun məmurları var.
“Turist” kafesinin sahibi Talıbov Ramin Rodin oğlu, “Ukraina” kafesinin sahibi Səlimov Teymur İkram oğlu, “Rossiya” kafesinin sahibi Xəlilov Hikmət Nəsrəddin oğlu ən çox təziq edilən sahibkarlardır. Onlara öz mülkiyyətlərindən imtina etmək üçün vaxt verilib. Bir sözlə icra başçısı Sahir Məmmədxanov və əlaltıları birləşərək sahibkarlara divan tutur.
- Bakıdan PKK-nın ləğvi qərarına reaksiya
- Vəzifəli şəxslərin düşdüyü qəzanın – Təfərrüatı
- Tramp məqsədinə çatdı: ABŞ 130 milyard dollar qazanacaq...
- “Soyundurub videoya da çəkiblər”- Bakıda “bariqanı” oğurlayıb 3 gün işgəncə veriblər
- “Anarı öldürdülər, indi də nəvəmi rahat buraxmırlar” - VİDEO
- PKK-nın özünü ləğvetmə qərarının şifrələri: nələr olacaq?
- Əliyevin məktubu Bəhreyn vəliəhdinə təqdim edildi
- Blogerlərin reklamına aldandılar: pullarını itirdilər - Video