Zimbabvedə qida qıtlığı və görünməmiş quraqlıq ilə mübarizə apara bilmək üçün 200 filin ovlanmasına qərar verilib.
BUTA.TV xəbər verir ki, bu barədə "Quardian" nəşri məlumat yayıb.
Ətraf mühit naziri Sithembiso Nyoni bildirib ki, Zimbabvedə lazım olduğundan çox fil var:
"Biz "ZimParks" və bəzi icmalarla Namibiya təcrübəsi ilə bağlı müzakirə aparırıq. Müzakirələrdə filləri kəsərək, əti qurutmaq, qablaşdırmaq üçün qadınların səfərbər edilməsi, əldə edilən qidanın zülala ehtiyacı olan bəzi icmalara çatdırılması məsələsini qaldırmışıq".
Yemək üçün fillərin ovlanması fikri bəziləri tərəfindən sərt tənqid olunub. Bildirirlər ki, fillər turistlər üçün böyük maraq kəsb edir.
Qeyd edək ki, Zimbabvedə təxminən 100 000 fil yaşayır. Ölkə bu sayla Botsvanadan sonra dünyada ikincidir. Qonşu Namibiyada isə son onilliklərin ən ağır quraqlığı ilə mübarizə çərçivəsində bu ay 160 vəhşi heyvan öldürülüb. Ölkə planlı şəkildə 700-dən çox heyvanın öldürülməsinə qərar verib ki, onun 83-ü fildir.
- Bakı və İrəvan arasında sülh sazişi... – Gülər
- AK-dən antiazərbaycan qüvvələri ifşa edən cavab - Video
- 70 kq qızılla saxlanılan azərbaycanlı ilə bağlı yeni fakt
- Azərbaycanla birgə hərbi təlimlərimiz... - Vilayəti
- Ermənilərin Azərbaycana qarşı silahlı PUA təlimi - Video
- Duda İrəvanda Azərbaycandan danışdı
- Samirə Ermənistana buraxılmadı, Paşinyana mesaj verdi - Foto
- Kəşfiyyatçılar Moskvada bir araya gəldi