Orta Dəhlizin daha bir qolu olaraq İran ərazisindən keçməklə Bakı-Naxçıvan-Qars dəmir yolu xəttinin yaradılması üzrə işlər görülür, paralel olaraq, Orta Dəhlizlə Şimal-Cənub dəhlizinin əlaqələndirilməsi nəticəsində Azərbaycanın özü və tərəfdaşları üçün tranzit imkanlarını genişləndirəcəyi gözlənilir.
BUTA.TV Report-a istinadən xəbər verir ki, bunu Azərbaycan Dəmir Yolları QSC-nin sədri Rövşən Rüstəmov Bakıda keçirilən “Avrasiya Nəqliyyat Marşrutu” Beynəlxalq Assosiasiyasının qurulmasına dair dəmiryol administrasiyaları rəhbərlərinin məşvərət toplantısında bildirib.
"Xəzərin Şərq tərəfinə gəldikdə isə Çinin Qaşqar əyalətindən avtomobil yolu vasitəsilə Qırğızıstandan keçməklə Özbəkistanın Əndican şəhərində dəmir yoluna qoşulmaqla yüklər daşınır ki, bu yaxınlarda Çin, Qırğızıstan və Özbəkistan arasında bu hissədə dəmir yolu xəttinin tikilməsilə bağlı razılıq əldə edilib və işlərin yaxın illərdə yekunlaşacağı planlaşdırılır. Bu yeni dəmir yolu xətti regionda yerləşən digər ölkələr, Tacikistan, Türkmənistan, Əfqanıstan və Pakistan üçün də yeni imkanlar açacaq. Burada Orta Dəhliz ilə TransAfqan dəhlizi arasında əlaqənin yaradılması kimi potensial imkanlar da var. Bir məqamı qeyd edim ki, hazırda Çinlə Əndican şəhəri, o cümlədən Çinlə Tacikistanın Düşənbə şəhəri arasında magistral avtomobil yolları ilə avtomobillər vasitəsilə yük daşımaları aparılır ki, bu daşımaları da dəmir yolu şəbəkəsinə qoşmaqla onları Şərq-Qərb istiqamətində multimodal daşımaların tərkib hissəsi hesab edə bilərik", - deyə o qeyd edib.
R. Rüstəmovun sözlərinə görə, bugünkü tədbir tarixi İpək Yolunun bərpasına, həmçinin qlobal əhəmiyyətli “Bir Kəmər, Bir Yol” təşəbbüsünün reallaşdırılmasına xidmət edir:
"Tədbirin keçirildiyi Bakı şəhərinin, ümumilikdə Azərbaycanın bu kontekstdə xüsusi yeri və rolu var. Asiya ilə Avropa arasında körpülərin qurulmasına investisiya yatıran Azərbaycan açıq dənizə çıxışı olmasa da, beynəlxalq nəqliyyat mərkəzlərindən birinə çevrililib. Qonşuları ilə birləşən şaxələnmiş dəmir yolu şəbəkəsi yaratmış Azərbaycan region ölkələri üçün tranzit imkanlarını təmin etməkdədir".
"Prezident İlham Əliyev müxtəlif regional və qlobal platformalarda dəfələrlə Azərbaycanın “Bir Kəmər, Bir Yol” təşəbbüsünə dəstək verdiyini bildirib. Bu təşəbbüsün əyani davamı kimi ölkəmiz, tərəfdaş dövlətlər və onların dəmir yolu administrasiyaları ilə əməkdaşlıq edərək Transxəzər Beynəlxalq Nəqliyyat Dəhlizinin, digər adı ilə Orta Dəhlizin inkişafı istiqamətində əhəmiyyətli işlərə imza atıb. Nəticədə Çindən Avropaya yüklərin çatdırılması müddətinin dəniz daşımalarına nisbətən iki dəfədən çox azaldılmasına imkan yaranıb", - deyə sədr əlavə edib.
- Qərb liderlik etsəydi, Çin iqlim yardımını artıracaqdı - Nazir
- 70 kq qızılla saxlanılan hərbi attaşe barədə qərar
- Qaz limitinin artırılması ilə bağlı təklif!
- Heç vaxt belə olmamışdı: iki nazirimiz gecə 4-də…
- Dünyanın ən ucaboy liderləri: Əliyev və Ərdoğanın yeri...
- Bakıda NATO nümayəndə heyəti ilə görüş keçirildi
- Bu nazirliyin tabeliyindəki qurumların sayı artırıldı - Qərar
- Adil Kərimli BMT forumu üçün Portuqaliyaya getdi