28 oktyabr tarixindən etibarən Bakıda keçiriləcək COP29-da iştirak edəcək nümayəndələrin və digər qonaqların akkreditasiya kartlarının verilməsinə başlanılıb.
BUTA.TV xəbər verir ki, tədbir günlərində konfransda iştirakı təsdiqləyən sənədin təqdim olunması zamanı növbələrin və gözləmə vaxtının minimuma endirilməsi, eləcə də iştirakçıların rahatlığının təmin edilməsi məqsədilə akkreditasiya kartları hər gün səhər saat 09:00-dan axşam saat 18:00-a qədər konfrans məkanının əsas girişindəki qeydiyyat masalarından təhvil alına bilər.
İştirakçılardan COP29 konfransına qeydiyyatdan keçdiklərini təsdiqləyən Birləşmiş Millətlər Təşkilatının İqlim Dəyişikliyi üzrə Çərçivə Konvensiyasının (UNFCCC) rəsmi elektron məktubunun çap edilmiş nüsxəsini və qeydiyyat zamanı təqdim edilmiş fotoşəkilli şəxsiyyət sənədinin – pasportun və ya şəxsiyyət vəsiqəsinin əslini təqdim etmələri tələb olunur.
Təhlükəsizlik məqsədilə akkreditasiya kartı yalnız konfrans iştirakçısı tərəfindən şəxsən, qeydiyyat masasından təhvil alınmalıdır.
- “Biz” deyirəm – yəni Azərbaycanla Ermənistan...
- Hikmət Hacıyevdən Zəngəzur dəhlizi ilə bağlı sevindirici xəbər
- Azərbaycan İranla quru sərhədini açır? - Arakçı
- Monteneqroda saxlanılan azərbaycanlı sərbəst buraxıldı
- Monteneqro Ombusmanı azərbaycanlı ilə bağlı hərəkətə keçdi
- Mehdiyevlər ailəsinə məxsus klinika ilə bağlı şok faktlar
- Azərbaycan və Belarus arasında məsləhətləşmələr aparıldı
- Mehdiyev işində sürpriz adlar - Hədəfdə onlardır