Azərbaycanın İraqdakı səfiri Nəsir Məmmədov İraqın Kərkük mühafəzəsindən olan deputat Ərşad Salehi ilə regionda ortaq fəaliyyəti müzakirə edib, daha sonra sözügedən bölgədə Məhəmməd Füzuli adına məktəbin açılışında iştirak edib.

BUTA.TV xəbər verir ki, İraq Türkman Cəbhəsi Partiyasından olan millət vəkili sosial şəbəkədə yazıb.

“Azərbaycanın Bağdaddakı səfiri dəyərli Nəsir bəyi Kərkükdə qəbul etdik. Can Azərbaycanımızla Türkmaneli bölgəmiz arasında edə biləcəyimiz ortaq fəaliyyətlərimizdən danışdıq”, – iraqlı siyasətçi qeyd edib.

Eyni zamanda, azərbaycanlı səfir sosial şəbəkədə Kərkük şəhərində Məhəmməd Füzuli adına ibtidai məktəbin açılış mərasimində iştirak etdiyini bildirib.

“M.Füzuli adına ibtidai məktəbdə Azərbaycan dövlətinin maliyyə vəsaiti hesabına əsaslı təmir və yenidənqurma işləri görülmüşdür”, – o xatırladıb.

• Azad olunan ərazilərdə nə qədər yol bərpa edilib?
• Səfərdə bir kitabla başlayan gözəl anlar
• Sabiq məmur daha bir şadlıq sarayını aldı
• Bu işçilər ixtisara düşəndə 2800 manat müavinət alacaqlar
• “Separatçıları əfv edə bilərsinizmi” sualına Prezidentin cavabı
• Qusarda qadın kirayə yaşadığı evdə dəm qazından boğuldu
• Sabah hava necə olacaq?
• 66 yaşında yüksək vəzifəyə təyin olundu - Foto