Səbail Rayon İcra Hakimiyyəti paytaxtın mərkəzində piyada yolunun gül dibçəkləri ilə məhdudlaşdırılması ilə bağlı yayılan görüntülərə münasibət bildirib.
BUTA.TV xəbər verir ki, qurumun mətbuat xidmətindən Trend-ə bildirilib ki, sözügedən ünvanda yerləşən qeyri-yaşayış sahəsi aidiyyəti qurumun müvafiq icazə sənədi əsasında mövsümi ticarət fəaliyyəti göstərir.
İcra Hakimiyyətindən qeyd edilib ki, görülmüş müvafiq tədbirlər nəticəsində gül dibçəkləri ilə zəbt edilmiş ərazi əvvəlki vəziyyətinə qaytarılıb.
Qeyd edək ki, journalist Vyaçeslav Sapunov sosial şəbəkə hesabında Bakıda Əbdülkərim Əlizadə küçəsində (“Tarqovı” kimi tanınan ərazi) yerləşən piyada yolunun gül dibçəkləri vasitəsilə daraldıldığı, bunun da piyadaların hərəkətində çətinlik yaratdığı barədə fotolar paylaşıb.
- Ötən ay metrodan 18 milyondan çox sərnişin istifadə etdi
- ADY Rusiya və İranla əməkdaşlığı müzakirə etdi
- Azərbaycan vətəndaşı Monteneqrodan ekstradisiya olundu
- İnterpol xətti ilə axtarılan şəxs Azərbaycana təhvil verəcək
- Bəzi ərazilərdə qaz olmayacaq
- Bir həftədə təbiətə 211 min manatdan çox ziyan vuruldu
- 33 il sonra nəşi tapılan Mədinə Babayeva dəfn olundu
- Azərbaycanda 14 klinika cərimələndi