Əlbəttə, hesab edirəm ki, Rusiyanın (nüvə doktrinasının yenilənməsi ilə bağlı) bu qərarı, ilk növbədə, adi silahlardan istifadə ilə bağlı ona qarşı ifadə edilən mövqeyə cavab olaraq atılan bir addımdır.

BUTA.TV xəbər verir ki, bu sözləri Türkiyə lideri Rəcəb Tayyib Ərdoğan G20 sammiti üçün səfər etdiyi Rio-de-Janeyroda keçirdiyi mətbuat konfransında deyib.

“Hesab edirəm ki, bu məsələyə NATO-dakı rəsmilər baxmalıdır. Rusiyanın özünü müdafiə etmək və özünü qorumaq üçün tədbirlər görmək imkanı olmalıdır və var. Və bu tədbirləri görməli idi. Necə ki, biz NATO ölkələri özümüzü qorumalı və bunun üçün addımlar atmalıyıq”, - o bildirib.

Ərdoğan xatırladıb ki, həm Rusiya, həm də Ukrayna Türkiyənin qonşusudur:

“İndiki mərhələdə biz onlarla ikitərəfli münasibətlərimizi qorumalıyıq. Ümid edirəm ki, biz Ukrayna ilə Rusiya arasında ən qısa zamanda yekun atəşkəsə nail olacağıq və planetin gözlədiyi sülhü təmin edəcəyik”.

Qeyd edək ki, Rusiya lideri Vladimir Putin bu gün yenilənmiş nüvə doktirinasını təsdiqləyib.

• Azərbaycan bu seçkilərdə qələbə qazandı
• Anar Abdullayev həbs olundu
• “Atam öz əcəli ilə ölməyib, intihar edib” - Məktub üzə çıxdı
• Könülün ölümü ilə bağlı cinayət işi açıldı
• Azərbaycan Ukraynaya indiyədək 42 milyon dollarlıq yardım edib
• Rusiyanın Azərbaycana qarşı şaftalı savaşına Belarus da qoşuldu
• Xameneinin Azərbaycana nifrətinin əsl səbəbi - İsrail KİV
• BƏƏ-də tarixi görüş: İranın “qırmızı xətti” artıq yoxdur!