Prezident İlham Əliyev müxtəlif Qərb media orqanlarında Azərbaycanın “petrostate” adlandırılması məsələsinə toxunub.
BUTA.TV xəbər verir ki, dövlət başçısı bununla bağlı “Rossiya Seqodnya" Beynəlxalq İnformasiya Agentliyinin Baş direktoru Dmitri Kiselyova müsahibəsində deyib.
“Bizdə neft hasilatı cəmi 30 milyon civarındadır. Bu ölkənin (ABŞ, - red.) qonşusu, - mən Kanadanı nəzərdə tuturdum, - bizdəkindən 10 dəfə artıq neft hasil edirsə və bizi “petrostate” adlandırırsa, bu ədalətsizlikdir. Amma bu feyk xəbərlər qrupu, - yeri gəlmişkən, bu, mənim ifadəm deyil, sadəcə, Prezident Trampdan əxz etmişəm və bu, mənim çox xoşuma gəlir, - zənnimcə, çox hərtərəfli və olduqca ünvanlıdır. Onları adlandırdığımız kimi, “yalançı dördlük” – “Vaşinqton Post”, “Nyu York Tayms”, “Fiqaro” və “Le Monde”. Bax bu dördlük Dövlət Departamentinin himayəsindəki müxtəlif qeyri-hökumət təşkilatları ilə birlikdə qərəzli kampaniyaya başladılar, hər gün hücum edirdilər”, - Prezident vurğulayıb.
Dövlət başçısı bu kimi media orqanlarında hər gün yayımlanan məqalələrin sayının minimum 20-dən çox olduğunu deyib:
“Bu, çətinlik yaratmadı, amma, sadəcə, ikrah hissi doğurdu. Əlbəttə ki, nəticə əldə etmək çətin idi, çünki biz bu sahədə qlobal aktor deyilik. Qlobal qaz emissiyasında Azərbaycanın payı 0,1 faizdir. Halbuki ABŞ-da bu, 12, Avropa İttifaqında daha çoxdur”.
- Hərbi xidmətlə bağlı yeniliklər: kimlərə şamil ediləcək?
- Generalın öldürülməsi Rusiyanın zəifliyidir… - Ekspert
- Rusiyanın səyləri nəticəsində Bakı və İrəvan… - Gerasimov
- Prezident onları “yalançı dördlük” adlandırdı
- Makron onların başqa hansı yerindən tutdu, bilmirəm...
- Prezidentdən Gürcüstanda baş verən hadisələrə reaksiya
- Əmiri İrəvandakı abidəmizi ziyarət etdi
- Ermənilərin Bakının “hücum edəcəyi” panikasının səbəbi...