ABŞ tarixini bilməyənlər manipulyasiya ilə məşğuldurlar – indiki ABŞ ərazisinin tamamına yaxını ya başqa dövlətlərdən, ya da yerli qəbilələrdən pulla-malla alınıb. Məsələn, bu gün ABŞ-da ən bahalı torpaq sahələrindən biri olan Manhetteni yerli qəbilə ilə paltara və balta-bıçağa dəyişib.
BUTA.TV xəbər verir ki, bu sözləri ReAL sədri Natiq Cəfərli deyib.
“ABŞ-ın indiki ərazisinin 30%-nə yaxınını ölkə Prezidenti Tomas Cefferson 1803-cü ildə “Luiziana alışı” anlaşması ilə Fransadan alıb. Anlaşma ilə bugünkü Arkanzas, Missuri, Ayova, Oklahoma, Kanzas, Nebraska, Minnesotanın cənubu, Şimali Dakotanın çox hissəsi, demək olar ki, bütün Cənubi Dakota ştatı, Nyu Meksikonun şimal-şərqi, Montananın çox hissəsi, Vayominqin bir hissəsi, Texasın şimalı, Koloradonun şərq yarısı, Luiziana ştatının bir hissəsi (Missisipi çayının hər iki tərəfində), o cümlədən Yeni Orlean şəhəri ABŞ ərazisi oldu. 1867-ci ildə ABŞ indiki ərazisinin 17%-i, yəni Alyaska ştatını Rusiya İmperiyasından satın alıb”, - o qeyd edib.
N.Cəfərlinin sözlərinə görə, ABŞ daha sonra Meksikadan “Gadsden anlaşması” ilə torpaq alıb, qalan hissəni Meksika satmaqdan imtina edəndə, torpaqları referendumla öz ərazisinə qatıb:
“Danimarkadan da ABŞ torpaq alıb – 1917-ci ildə “Virgin adalarını”, o vaxtın pulu ilə 25 milyon dollara alıb. Yəni Trampın Qrenlandiyanı almaq istəməsində qeyri-adi heç nə yoxdur. Yeri gəlmişkən, 1946-cı ildə Prezident Harri Truman Qrelandiyanı 100 milyon dollara almaq istəyib, amma o zaman bu anlaşma başa çatmadı”.
- Qüdsdə bayram tədbirində erməni keşişlərin əxlaqsızlığı - Foto
- Azərbaycanda 273 ukraynalı uşaq reabilitasiyadan keçdi
- İrəvan niyə Minsk qrupunu saxlamaqda israr edir? - Bayramov
- Bayramov Çavuşoğlunun atasının vəfatına görə Türkiyədə - Foto
- ABŞ elan etdi: seçki, insan haqları “tələbi” bitdi
- İrəvan toqquşma hazırlayır: Bu, artıq Bakı ilə deyil, Rusiya girəcək!
- Mövqelərimiz atəşə tutuldu: Ordumuz adekvat cavab verdi
- AB Türkiyəni “türk əli” ilə vurdu - Ərdoğan özü razılıq verib?