Ermənistanın nümayəndə heyəti erməni əsilli Ağasyan Vera Varaşakovnanın meyitinin təhvil alınmasına heç bir münasibət bildirmir.
BUTA.TV xəbər verir ki, bunu Əsir və İtkin Düşmüş, Girov Götürülmüş Vətəndaşlarla əlaqədar Dövlət Komissiyası tərəfindən İtkin Düşmüş Şəxslər üzrə Beynəlxalq Komissiyanın (İCMP) Azərbaycan Respublikasında itkin düşmüş şəxslərin axtarışı üzrə qiymətləndirmə hesabatının təqdimatında Dövlət Təhlükəsizliyi Xidməti rəisinin müavini general-leytenant Şərafət Həsənov deyib.
“1954-cü il təvəllüdlü, erməni əsilli Ağasyan Vera Varaşakovnanın ötən il oktyabrın 20-də Xankəndi şəhərində yaşadığı ünvanda xəstəlikdən vəfat etməsi ilə bağlı Beynəlxalq Qızıl Xaç Komitəsinin vasitəçiliyi ilə Ermənistan tərəfinin və onun övladlarının məlumatlandırılmasına, meyitinin təhvil verilməsi üçün bütün zəruri sənədləşmə işlərinin aparılmasına, hətta cari ilin fevral ayında vasitəçilərin iştirakı olmadan sərhəddə keçirilmiş görüş zamanı məsələ Ermənistanın nümayəndə heyətinin birbaşa diqqətinə çatdırılmasına baxmayaraq, qarşı tərəf 5 aya yaxındır ki, meyitin təhvil alınmasına heç bir münasibət bildirmir”, - o bildirib.
- İlham Əliyevdən qələbə ilə bağlı paylaşım - Foto
- Qələbənin 80-ci ildönümüdür
- Bayramov pakistanlı həmkarı ilə telefon danışığı apardı
- İlham Əliyevlə hər görüşümdə mənə bildirib ki... - Tatar
- Heydər Əliyev siyasəti uğurlarımızın təminatıdır
- Hindistan-Azərbaycan aviareyslərində dəyişiklik... - Rəsmi
- Ermənistanın Zəngəzur dəhlizinə qarşı yeni planı
- Hindlilər Azərbaycana boykot çağırışı etdilər - Foto