Milli Məclisin sədri Sahibə Qafarovanın başçılığı ilə parlament nümayəndə heyəti Türk Dövlətləri Parlament Assambleyasının (TÜRKPA) Şura və 14-cü plenar iclaslarında iştirak etmək üçün iyunun 11-də Qazaxıstan Respublikasının Astana şəhərinə işgüzar səfərə gedib.
Milli Məclisin mətbuat xidmətindən BUTA.TV-a verilən məlumata görə Astana şəhərinin Nursultan Nazarbayev adına Beynəlxalq Hava Limanında spiker Sahibə Qafarovanı Qazaxıstan Parlamenti Məclisinin sədr müavini Albert Rau, Məclisin Beynəlxalq, təhlükəsizlik və müdafiə məsələləri üzrə katibi Aydos Sarım, Məclisin Qanunvericilik və məhkəmə-hüquq islahatları katibi Məhərrəm Məhərrəmov, Azərbaycanın Qazaxıstandakı səfiri Ağalar Atamoğlanov, TÜRKPA-nın baş katibi Mehmet Süreyya Er və digər rəsmi şəxslər qarşılayıblar.
Səfər çərçivəsində Milli Məclisin spikeri, TÜRKPA-nın fəaliyyətdə olan sədri Sahibə Qafarovanın TÜRKPA-nın Şura və plenar iclaslarında çıxışı, tədbirdə iştirak edən parlament nümayəndə heyətlərinin rəhbərləri və Qazaxıstanın dövlət rəsmiləri ilə bir sıra görüşləri nəzərdə tutulub.
- Elçin Quliyevin 27 yaşlı oğluna polkovnik rütbəsi verilib?
- Rusiya tarixinin inanılmaz cinayət işi: azərbaycanlı da var
- Radiasiyanın yoxlanılması üçün mütəxəssislər Astarada - Video
- Ermənilərin Bakı limanına eniş etməsi ilə bağlı rəsmi açıqlama
- İranın vurulmasına ərəb ölkələrinin reaksiyası
- İsrail Fordo nüvə obyektinə zərbələr endirir - Təcili
- Agent kimi vətəndaşlarımızın İrana göndərilməsi... - Hacıyev
- İsrail hücumu: Ermənistan vətəndaşları Bakıda