ABŞ Prezidenti Donald Tramp İsrailin Baş naziri Benyamin Netanyahuya İrana qarşı müharibəyə başlamağa icazə verməklə sərt üzünü göstərdi.
BUTA.TV xəbər verir ki, bu sözləri politoloq Elxan Şahinoğlu İsrailin İrana hücumlarını şərh edərkən deyib.
“Halbuki buna qədər Tramp Netanyahunu səbirli olmağı, Vaşinqtonun Tehranla danışıqlarının nəticəsini gözləməyi məsləhət görürdü. Ancaq danışıqlarda irəliləyiş olmadı. Tramp vədinin əksinə olaraq Rusiya-Ukrayna müharibəsini dayandıra bilmir. Bu səbəbdən İranla danışıqların nəticə verməyəcəyini anlayan Tramp bu dəfə İsrailə mane olmamağa üstünlük verdi. Çünki əks halda Tramp daxili və xarici auditoriyaya Tehranla danışıqların niyə nəticəsiz qaldığını anlatmalıydı. Bu isə Trampın xarici siyasətdə növbəti uğursuzluğu kimi vurğulanacaqdı.
İsrail hava zərbələriylə İranın uranı zənginləşdirmək potensialını heçə endirərsə, Tramp bunu öz uğuru kimi qələmə verəcək”, -deyə Şahinoğlu vurğulayıb.
Qeyd edək ki, İsrail Hərbi Hava Qüvvələri 13 iyun səhər tezdən İranın nüvə və hərbi bazalarına dağıdıcı zərbələr endirib, nüfuzlu generalları evindəcə məhv edib.
- Azərbaycan 4 erməni məhkumu bu iki əsirlə dəyişib - Rəsmi
- Bakı Metropoliteni yenə “2” aldı - Şok zərər
- İranın Ermənistanı “vəfasızlıq”da suçlamasının səbəbləri
- Azər Bayramov nazir müavini təyin edildi
- Bakı 4 ermənini təhvil verdi, digərləri də buraxılacaq?
- Azərbaycanı ləkələmək istəyən ermənilərə aid hesablar
- İsraillə birgə süni mayalanma mərkəzi yaradılacaq - Nazir
- Sevinc Osmanqızı və Abid Qafarovun cəzası bəlli oldu